Manifestasaun Nepal ; Ema Na’in 19 Mate & 100 Kanek, PM Resigna An & Sunu Edifísiu
Imajem : Povu Nepal halo manifestasaun hasoru ninia Governu no Parlamentu iha loron, 09/09/2025. Foto : Média Sosial Internasional
SAP News TL, Nepal : Ligadu ho manifestasaun ne’ebé akontese iha Nepal rezulta ema nain 100 kanek no 19 lakon vida, Primeiru Ministru Khadga Prasad Sharma Oli resigna an iha loron 9 Setembru 2025.
Tuir publikasaun Reuters fo sai katak Primeiru-Ministru Nepál, K.P. Sharma Oli, obrigadu hodi hato’o demisaun iha Tersa-feira tanba hetan protestu hosi juventude anti-korrupsaun no la aseita taka rede sosial 26.
Akontesimentu protestu ne’e nakfila ba anarkizmu no violênsia hodi rezulta ema 100 hetan kanek, ema na’in 19 lakon vida no edifísiu balun hetan sunu hosi manifestante sira.
Protestu ne’e kontinua akontese iha Tersa-feira, ne’ebé lori Nepál ba krize polítiku foun. Violência ida ne’e mak boot-liu iha dékadas iha nasaun pobre Himalaya ne’e hasoru instabilidade polítiku no ekonomiku desde abolisaun reinu iha 2008.
Juventude Nepali sente frustradu tanba servisu la iha, no sidadaun sira la’o ba traballu iha Meiu-Leste, Korea-Selatan no Malásia hodi buka moris no kontribui ba rendimentu ba família nian.
“Iha konsiderasaun situasaun ki’ik iha nasaun, ha’u hato’o demisaun, atu fó dalan ba solusaun polítiku tuir konstituisaun,” dehan Oli iha surat demisaun ba Prezidente Ramchandra Paudel, Nepal, 09/09/2025.
Ajudante Prezidente hatete Reuters katak prezidente komesa prosesu atu buka primeiru-ministru foun, maibé mos bolu lider protestu sira ba koalia.
Imajem : Povu Nepal halo manifestasaun hasoru nia governu tanba taka rede social no halo korupsaun, Nepal, 08/09/2025. Photo : KSA Expats
Juventude sira moris-boot tama ba parlamentu no hakerek slogan bainhira simu notísia demisaun. Fumasa (ahi-suar) sa’e hosi parte edifísiu.
“Ita manan ona,” manifestante ida hakerek ho letra oranžu boot iha parede parlamentu. Maski protestu kontinua iha dalan, violência la’ós barak tanba forsa seguransa fila distancia.
Antes ne’e, Oli bolu reuniaun partidu hotu-hotu, dehan violencia la ajuda nasaun no tenki buka dialogu pasifiku atu hetan solusaun. Nune’e mos, nia la responde klaru ba alegasaun korrupsaun.
Testemunha sira dehan manifestante sira mos tau ai-faruk iha kaza polítiku sira iha Kathmandu. Jornais lokál hakerek katak ministru balun tenke hasai hosi helikopteru militar atu salva an.
Imajen hosi rede sosiál mostra ex-Primeiru-Ministru Sher Bahadur Deuba no nia feen Arzu Rana (Ministru Assuntu Estranjeiru iha tempu Oli) no Ministru Finansas Bishnu Paudel hetan ataka hosi manifestante sira.
Aeroportu Kathmandu Taka
“Aeroportu Kathmandu, porta internasionál boot ida, taka tanba fumasa hosi protestu”, hatete Autoridade Aviasonu Sivíl.
Organizador protestu sira dehan ne’e “demonstrasaun Jerasaun Z”, motivadu hosi frustrasaun boot juventude kona ba korrupsaun no falta oportunidade ekonomiku.
“Protestu ne’e objetivu boot mak kontra korrupsaun ne’ebé la’o iha governu,” dehan manifestante ida ba Reuters husi email, assina-an hanesan “idadu Nepali preokupadu.”
Juventude Nepali sira semana kotuk atu publika iha rede sosiál kona ba “moris luxu hosi família no oan polítiku korruptu sira”, to’o governu tau proibisaun ba plataforma sira.
Semana kotuk, governu Oli blokea plataforma online balun tanba la rejistu ho governu, no akusa rede sosiál de’it dehan sei uza atu halakon informasaun boot no halo fraude.