Memória Ineskesível ! Kobertura SAPNews Iha Misa Solene Ba Papa Francisco

Imajem : Jornalista SAPNews hafoin hala’o kobertura iha misa solene Tasi-Tolu no halo transmisaun direta ba viajem sarani iha Rai-Kotu,26/04/2025

SAPNewsTL, Dili : Jornalista Mídia SAPNewsTL ne’ebe identiku ho fetoran no mane klosan sira hala’o papel kobertura iha serimonia misa solenidade ba Santu Padre Papa Francisco (Pontífice Romano) iha Kapital Díli, Timor-Leste.

Jornalista SAPNews konsiente katak povu Timor-Leste marka nia istória furak ho felisidade iha loron 09-11 Abril 2024, liu tiha fulan hitu, rona novidade tristeza ida katak Papa Francisco fila hikas ona ba Aman Maromak nia kadunan santu.

Rona tiha lia moruk ne’e, sarani sira hakbesik an ba altar santu Tasi-Tolu hodi reza tersu, halo venerasaun no presta omenajem ba Papa Francisco durante kalan lima (21-25/04/2025).

Tuir mai, iha loron 26 fulan Abril, sarani sira halibur hamutuk dala ida tan hodi halo misa solenidade ba Papa Francisco ho partisipasaun maksimu hosi sarani timoroan sira ke besik metade kompara ho tinan kotuk.

Imajem Jornalista SAPNews Conzita Mota halo transmisaun direta kona ba viajem sarani sira iha area Rai-Kotu, Dili, 26/04/2025

Hafoin partisipa misa solene, wainhira sarani sira fila repete forma naruk husi Tasi-Tolu to’o Rotunda Nicolau Lobato Comoro durante oras 3 no mosu engrafamentu durante oras lima (oras 19:00-12-00).

Situasaun iha tinan 2024 sarani sira selebra ho laran kontente, la imagina katak bele repete istória ne’e iha futuru maibe sertamente sarani sira rona tiha lia tristeza ne’e, halibur malu dala ida tan hodi halo misa boot ida nakonu ho laran triste, tanis no fuan mamuk tanba sente lakon Papa Francisco.

Fo hanoin fali katak iha tinan 2024, vizita Santu Padre Papa Francisco iha Timor-Leste, ekipa SAPNews konsege hakerek revista vizita Papa Francisco no lansa ona ofisial hosi Eis Primeiru Ministru Marí Alkatiri, Secretario Estado Comunicação Social (SEKomS) Expedito Dias Ximenes, Presidente Konsellu Imprensa Otelio Ote no Konselleiru/a sira iha SAPNews.

Revista ne’e nakloke ba publiku hodi bele imprime no lee mensagem hotu-hotu husi Papa Francisco durante vizita iha Timor-Leste (09-11/09/2024).

SAPNews nia motto :
“Imi nia lian, ita hotu nia lian”.

SAPNews nia prinsípiu :
“Informativu, Inspirativu, no Konstrutivu”.

SAPNews Nia vizaun :
“Atinji sosiedade Timor-Leste ne’ebe informativu, inspirativu, konstrutivu, edukativu, síviku, krítiku, produtivu no inovativu hodi hametin no haburas konstrutivu estadu de direitu no demokrátiku”.

Jornalista : Conzita Mota