Militante CNRT, PLP & PD Balun Afilia Ba KHUNTO Iha Ermera
Imajem : Konferénsia Munisipal Partidu KHUNTO Iha Ermera, 26/07/2025
SAPNewsTL, Ermera : Militante Partidu Kongresu Nasional Rekonstrusaun Timorense CNRT nain rua (2) hamutuk ho militante Partidu Liberta Povu PLP ida, Partidu Demokrátika (PD) ida no joventude nain ida afilia ba Partidu Kmanek Haburas Unidade Nasionál Timor Oan (KHUNTO)
Guilhermino Ramos & Ermelinda Soares – SAPNews TL
Iha diskursu reprezentante Prezidente Partidu KHUNTO Odete Beloi, hato’o parabéns ba militante CNRT ne’ebe halo ona afiliasaun ba Partidu KHUNTO, no membru estrutrura reajustamentu Munisipiu Ermera Postu Administrativu no Suku.
“Ha’u hakarak hato’o parabéns ba maluk militante husi partidu CNRT, PLP, no PD ne’ebe mai hamutuk ho KHUNTO hodi la’o ba oin, ohin ita halo reajusta ba estrutrura Partidu Munisipiu Ermera tanba ne’e mai ita hamutuk ho KHUNTO la’o ba oin”. Hateten Reprezentante Prezidente Partidu KHUNTO Odete Beloi, iha Gleno, 26/07/2025
Nia fundamenta hamutuk ho militante sira reafirma pozisaun katak KHUNTO sei forsa liu tan iha iha eleisaun prezidensial periodu 2028-2032.
Iha diskursu militante Partidu CNRT, halerik no deklara katak, nia parte hakarak halo afeliasaun ba Partidu KHUNTO tanba ho rajaun, servisu ba Partidu CNRT durante tinan barak maibé nia la hetan pozisaun balun, nune’e nia hakarak afilia ba KHUNTO hodi hamutuk ho nia oan mane sira no estrutrura Partidu.
“Ha’u militante Partidu CNRT, ha’u hakarak afilia ba Partidu KHUNTO tanba ha’u servisu ba CNRT durante tinan rua nulu resin maibé ha’u la hetan pozisaun ida, tanba ha’u rasik hakarak hamutuk ho KHUNTO ho ha’u nia oan sira hodi reajusta estrutrura KHUNTO iha Munisípiu Ermera”. Dehan militante CNRT hafoin halo afiliasaun, Sabadu, Salaun Paroquial Gleno, (26/07/2025)
Enkuantu militante nain ha’at halo afeliasaun ba KHUNTO iha ambitu Partidu KUNTO halo Konferensia Extraordinaria ho tema, “Oras To’o Ona Mai Hamutuk Ho Partidu KUNTO hodi Hateke ba Futuru Ida Diak Liu”.
Hafoin militante sira deklara sai husi partidu CNRT, PLP no PD Konseleiru masimu Partidu KUNTO Naimori Bucar hamutuk ho estrutrura nasional, no Munisipiu entrega direita kamizola no bandeira partidu KHUNTO ba militante nain haat iha aredores salaun paroquial Gleno
