Misa Novemdiales ! Kardeál Parolin Husu Sarani Hateke Ba Kristu Nia Mizerikórdia
Imagem : Kardeal Pietro Parolin iha Bazílika São Pedro Vatikanu, 27/04/2025. Foto : Vatican News
SAPNewsTL, Vatikanu : Iha misa iha loron daruak Novemdiales nian, ka “loron nen” lutu nian ba saudozu Papa Francisco, kardeál Pietro Parolin konvida sarani sira atu hateke ba Kristu nia mizerikórdia rohan-laek ba dame iha mundu no iha ita-nia fuan.
Iha ninia omilia, kardeál ho tinan 70 ne’ebé moris iha Itália ne’e hetan inspirasaun hosi Evanjellu ne’ebé hanoin hikas Apóstolu sira nia tauk no angústia bainhira sira hakru’uk iha Sala Superiór hafoin Jezús nia mate.
Nia hatete katak imajen ne’e reprezenta estadu mentál atuál Igreja nian, bainhira sarani sira halerik ba Saudozu Papa, ne’ebé mate iha Segunda-feira Páskua no hakoi iha Sábadu.
Maibé, Kardeál Parolin dehan, Kristu mai loloos iha nakukun ne’e atu hatudu an iha glória ninia moris-hi’as nian no atu fó naroman ba ita-nia fuan sira.
“Perdaun lori ita fila fali ba fuan fiar nian”, tenik Kardeál Pietro Parolin iha Bazílika São Pedro, Vatikanu, 27/04/2025. Sita Vatican News
Kardeal Parolin ne’ebé hala’o kna’ar nu’udar Sekretáriu Estadu iha Papa Francisco nia okosokos hatuatn, “ida-ne’e fó hanoin mai ita katak ita labele define ita-nia relasaun ho Maromak no ita-nia Igreja tuir kategoria umanu ka mundu nian”.Nia sublinha
Fo hanoin mós katak misa iha loron daruak Novemdiales nian, ka “loron nen” lutu nian ba saudozu Papa FranciscoFrancisco ne’e hetan partisipasaun husi Kardeal sira inklui Kardinal timoroan Dom Virgílio do Carmo da Silva.
Lee tan: https://www.vaticannews.va/en/vatican-city/news/2025-04/cardinal-pietro-parolin-second-novemdiales-mass-divine-mercy.html
Jornalista : Marciana Da Conceição