MSSI Realiza Treinamentu Planu Asaun Nasional Ba EhD Iha TL
Imajem : Asesor Prinsipal Presidente Republika ba asunto sosial ba ema ho defisiensia Gaspar Afonso
SAPNewsTL, Dili: Ministeriu Solidaridade Sosial no Inkluzaun (MSSI) realiza treinamentu implemementasaun planu asaun nasional ba ema ho difisensia (Ehd) iha Timor Leste hahu husi periodu 2021 to’o 2030.
“Atividade ohin loron ne’e ligadu ho ratifikasaunno konvensaun ba direitu ema ho difisensia iha Timor Leste, relata no implementa planu asaun nasional ba EhD iha ba periodo 2021 to 2023”, dehan Xefe Gabinete Estadu Planamentu MSSI Gil da Cruz ba jornalista sira iha Maubara Room Timor plaza kinta ( 09/03/2023).
Gil hatutan, presiza halo preparasaun hodi hala’o knaar bainhira governu Ka estadu Timor-Leste ratifika ona konvensaun ida ne’e prontu iha dever atu implementa, ohin hetan oportunidade husi formador Australia hodi reforma maluk ho difisiensia no empresaria sira hotu ba konvesaun planu implementasaun ba periodu 2021 to’o 2030 nian
Xefe Gabinete Estadu Planamentu MSSI Gil da Cruz
Nia salienta, atividade ohin loron nian partisipa husi ema ho defisiensia iha Timor-Leste, emprezariu sira, embaixador sira no funsionariu sira hotu ne’ebe mak iha Timor Leste atu hodi tuir treinamentu kona ba asaun nasional ba ema ho difesensia iha Timor leste.
Iha Fatin hanesan, Asesor Prinsipal Presidente Republika ba asunto sosial ba ema ho defisiensia Gaspar Afonso hatete, atividade ohin loron ne’e formasaun ba embaixador sira, hari’i sira nia planu anual kada tinan ministerial no akresenta konvensaun direitu ba ema ho defisiensia kada tinan
“Atividade loron ohin ne’e formasaun ba embaixador sira kona ba hari’i sira nia planu anual kada ministeral no akresenta konvensaun direitu ba ita nia ema ho difisiensia kada tinan ou fulan neen tenki relata relatoriu”, tenik Gaspar
Gaspar akresenta, Timor Leste ratifika iha loron 4 fulan junu 2022, konvensaun direitu ema ho Difisiensia ne’ebe promulga husi Prezidenti Republika iha loron 12 fulan junu no vigora entrada iha loro 17 fulan fevereiru 2023 katak TL mos hola parte iha kombinasaun ne’e hakarak ou lakoi ministru relevante iha politika nasional ba ema ho defisiensia, molok Timor Leste ratifika, ohin mai partisipa iha ne’e atu halo intervensaun atu ezize ba ministeiru sira relevante no embaixador sira tenki seriu hato’o ba sira nia superior sira, atu implementasaun tenki seriu labele ratifika deit maibe nia implementasaun ne’e laiha.
Enkuantu, tuir dadus sensus 2015 anterior ne’ebe SAP News kolleta ema ho defisiensia iha Timor Leste hamutuk 38.000 ital, entretantu, iha sensus pupulasaun 2022 la konsege separa dadus ema ho defisiensia iha TL
Jornalista : Antonio Tilman & Ermelinda Soares .