Mundu Nakukun ! Aviaun 5 Hetan Asidente, Hamate Ema Hamutuk Na’in 220
Imajem : Aviaun Jeju Air Co ne’ebe monu iha Korea-Sul, 29/12/2024.
SAPNewsTL : Durante semana ida (23-29 Dezembru), Aviaun hamutuk lima (5) hosi nasaun lima mak sofre asidente hodi rezulta ema hamutuk atus rua ruanulu (220) lakon vida no balun sai traumatizadu.
Tuir informasaun ne’ebe SAPNews asesu liu hosi Media Internasional sira katak durante semana ida aviaun lima monu no rezulta ema hamutuk 220 lakon vida (mate).
Aviaun ho marka AIRBUS A330-300, Jeju Air Co ne’e sofre asidente maiz ou menuz tuku sia iha loron Domingu, 29 Dezembru 2024, hafoin fila hosi Tailandia atu halo aterrajem iha Aeroportu Internasional Muan iha provínsia South Jeolla.
Asidente ne’e rezulta ema na’in 177 mate, tripulante na’in rua hetan salva, no ema na’in rua lakon. Nune’e asidente ne’e rezulta ema hamutuk 179 mate. Pasajeiru sira ne’ebé iha aviaun laran maioria ema Koreia-Súl inklui sidadaun Tailándia na’in-rua.
“Voo Jeju Air 2216 – Boeing 737-800, aterrizajen monu, treinu aterrizajen la funsiona, deskonfia kauza hosi manu ida ne’ebé kesi iha treinu aterrizajen, asidente ne’e rezulta ema na’in 179 mate”. Corea-Sul, 29/12/2024
Iha sorin seluk, aviaun Azerbaijan Airlines Flight 28243 ne’ebe monu, rejista ema hamutuk 38 mak lakon vida.
“Azerbaijan Airlines Flight 28243 – Embraer ERJ-190AR, aviaun monu, deskonfia monu tanba hetan tiru, nune’e rezulta ema na’in 38 mate”. Azerbaijin, 23/12/2024.
KLM Flight 1204 – Boeing 737-800 ne’ebe monu iha Norwegia la rezulta ema mate no daudaun ne’e pasajeiru sira sei halo asistensia.
“KLM Flight 1204 – Boeing 737-800, monu wainhira atu semo husi Oslo atu ba Netherland mak avaria hidráulika maibe la rejista ema mate, pasajeiru sira halo hela asistensia, hafoin sei kontinua ba halo investigasaun ba kauza husi asidente ne’e”. Oslo-Norwegia, 28/12/2024
Air Canada 2259 – Dash 8-400 ne’ebe monu iha Canada, loron 28 fulan Dezembru ne’e la rezulta ema mate.
“Air Canada 2259 – Dash 8-400, hetan ahi durante aterrizajen emerjénsia ida hafoin nia ekipamentu aterrajen nian la funsiona, tuir pista iha Aeroportu Halifax iha Nova Scotia, iha sábadu kalan, maibe la rejista ema mate”. Canada, 28/12/2024
Jazirah Aviation Club ne’ebe monu iha tasi-ibun Ras Al Khaimah rezulta ema na’in tolu lakon vida.
“Aviaun ida ne’ebé pertense ba Jazirah Aviation Club monu iha tasi-ibun Ras Al Khaimah nian iha Emiradus Árabes Unidus, Asidente ne’e rezulta Trajiku, pilotu no ko-pilotu lakon vida”. Arabia Saudita,29/12/2024
Imajem : Santu Padre Papa Francisco
Hafoin asidente ne’e akontese, Amu Papa Francisco dirije mensajem ba vítima sira no sira nia família sira ho laran triste tanba pasajeiru hamutuk 179 lakon vida no na’in rua sai vitima.
“Ha’u nia hanoin ba família barak iha Koreia-Súl ne’ebé maka ohin triste hela, hafoin asidente aviaun ne’ebé maka sofre asidente dramátiku. Ha’u nia orasaun ida ba sobrevivente sira no matebian sira.” Tenik Santu Padre Papa Francisco iha Vatikanu, 30/12/2024. SAPNews Screenshot
Jornalista : SAP News TL
