Negosiante Lucia Hetan rendimentu Iha Festival Fronteira 2023
SAPNewsTL, Bobonaro: Negosiante Lucia Silva Bere hatete, nia hetan rendimentu diak bainhira nia faan sasan iha Festivál Fronteira 2023 kompara ho loron baibain.
“Ha’u agradese tebes ba Governu Timor-Leste tanba bele realiza Festivál Fronteira dahuluk iha Postu Administrativu Maliana Munisípiu Bobonaro tanba ami negosiante kiik sira bele faan sasan no ho folin diak tebes, durante loron tolu nia laran ami hetan 150 USD kompara ho loron baibain”, dehan negosiante Lusia Silva Bere ba jornalista sira iha resintu jinajiu munisipal Maliana, Bobonaro sabadu (18/11/2023).
Negosiante ne’e dehan, durante nia faan sasan iha merkadu laran rendimentu ladun diak tanba ema ladun hola nia sasan bainhira loron sábadu bazar mak foin ema hola nia sasan, agora festivál ida ne’e ema barak mak hola nia sasan ne’ebé nia hetan rendimentu diak tebes.
Lucia hatutan, nia agradese tebes tanba Festivál ida ne’e ema barak mak sosa nia sasan, hanesan agua, sigaru, supremi, Popmie, manutolun, biskuit no rebusadu loron bainbain ema hola hau nia sasan masimu 20 USD minimu 5 USD maibe iha festivál boot liu loron bainbain.
Rendimentu diak ne’e nia agradese tanba bele selu nia oan sira nia eskola tanba nia laen mate ona nia nu’udar inan ida sempre esforsu an hodi buka osan atu sustenta nia nesesidade uma laran nomos ba oan sira nia futuru.
Reportajen: Augusto dos Santos