Papa Francisco Permite Padre Sira Fo Bensa Ba Kaben Na’in Ho Sexu Hanesan

SAPNewsTL, Vatikanu: Papa Francisco permite fó bénsaun ba kaben-na’in sira ne’ebé deside moris hamutuk ho sexu ne’ebe hanesan tanba sira hala’o sira-nia moris sein rituál ruma no la fó impresaun kona-ba kazamentu.

Amu Papa Francisco  fó ninia aprovasaun ba padre sira atu haraik bénsaun ba sira-nia kazamentu iha situasaun “la regulár sira” inklui mós uniaun sira ne’ebé halo relasaun seksu hanesan.

Doutrina ne’e deklara katak “Fiducia suplikadu sira” ne’ebé Dicastero fó sai ba doutrina fiar nian iha loron segunda-feira, 17/12/2023. SAPNewsTL Screeshoot

Deklarasaun ne’e fo benefísiu ba feen sira ne’ebé halo relasionamentu ho sexu ne’ebé hanesan, tanba sira hala’o sira-nia moris sein rituál ruma no la fó impresaun kona-ba kazamentu.

Lider Igreja Vatikanu ne’e dehan katak deklarasaun ne’e la signifika adosaun (aseita) ba relasaun seksuál ne’ebé ho sexu hanesan no katak doutrina Igreja Katolika kona-ba kazamentu entre mane no feto la muda.

Tuir loloos, Vatikanu hatete katak “iha posibilidade atu fó bénsaun ba kaben-na’in sira ne’ebé moris iha situasaun ne’ebé la hanesan no kaben-na’in sira ne’ebé la hanesan, la’ós atu troka sira-nia pozisaun ka la hanorin kona-ba kazamentu.” Sublinha husi karta aprovasaun

Enkuantu, deklarasaun ne’ebe aprova husi Amu Papa Francisco ne’e fo permisaun ba padre sira hodi fo bensa ba ema ne’ebe  kaben ho sexu hanesan maibe kaben entre feto ho mane la muda tuir doutrina igreja katólika nian.

Jornalista : Marcela Mesquita Lemos