Partisipa  Konferénsia Internasionál ! Assanami Konsidera Diversidade Iha Unidade Ne’e Importante

SAPNewsTL, Malásia –  Vise-Primeiru Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária, Eng. Mariano ASSANAMI Sabino, ho delegasaun partisipa Konferensia Internasional entre Lider Relijiaun sira iha mundu, ne’ebé hala’o iha Kualalumpur, Malazia.

Tuir komunikadu ne’ebe SAPNewsTL asesu liu husi pajina facebook, Vise-Primeiru Ministru, Ministru Koordenador Asuntu Sosiais, Ministru Dezenvolvimentu Rural no Abitasaun Komunitária representa governu Timor Leste partisipa iha konferensia mundial iha Kualalimpur.

Vise PM Mariano Assanami Sabino konsidera konferensia internasional ne’e importante tebes, tanba relijiaun oi-oin sira hamutuk halo dialogu ba promosaun fraternidade umana, no diversidade iha unidade.

Timor-Leste adopta ona fraternidade umana ne’ebé antes ne’e asina ona husi lider relijiaun Katolika Amu Papa, Francisco ho Saserdote Musulmanu Al-Azhar, iha loron 4, fulan-Febreiru, 2019, iha Abu Dabi.

Tanba ne’e Prezidente Repúblika bainhira partisipa iha konferensia internasional ruma sempre ko’alia kona-ba fraternidade umana, maibé konferensia ida ne’e luan liu, tanba marka prejensa husi relijiaun sira hotu preokupa tanba sá ema tenke odiu malu, oho malu tanba de’it diferensia relijiaun,maske ita ema hotu-hotu ne’e kriasaun Maromak nian, entaun presiza paz no estabilidade atu nune’e ema hotu livre moris tuir fiar ne’ebé sira iha.

“Konferensia ida ne’e imprtante tebes ba Timor-Leste, maske ida ne’e foin inisiu ho tempu ne’ebé badak ita seidauk bele organiza ho di’ak, ha’u reprejenta governu hodi partisipa konferensia ne’e, maibé ba oin ita sei organiza ho diak liu tán,” dehan Vise-Primeiru Ministru, Mariano Assanami Sabino iha Malázia, 08/05/2024

Hafoin remata konferensia Vise-Primeiru Ministru hamutuk ho delegasaun realiza enkontru ho Vise-Primeiru Ministru Malazia nian hodi hametin liutan relasaun bilateral rai ruan nian ne’ebé antes ne’e sira apoiu ona Timor-Leste iha aspeitu oi-oin, liu-liu Agrikultura Saúde, Ekonomia, Defeza, Seguransa no seluk tan.

Alende ne’e, Vise-Primeiru Ministru Malazia mós sei mai vizita Timor oinsá bele fó asistensia formasaun rekursu umanu iha área Dezenvolvimentu Rural.

Hafoin enkontru ne’e, Vise-Primeiru Ministru kontinua enkontru ho Secretary General of The Muslim World League, Dr. MOHAMMED ADULKARIM ALISSA, fó apresiasaun ba vontade Timor-Leste nian partisipasaun ne’ebé promove rekonsiliasaun no sai ona ezemplar ba nasaun seluk hodi banati tuir.

 

Jornalista : Dircia Baptista Belo