Pasa Tempu Iha SK-1Hotél ! A.J Ho Idade 54 Lakon Vida
Imajem : Polísia hasai mate isin inisial A.J ne’ebe lakon vida iha SK-1Hotél Pantai-Kelapa, 27/02/2025.
SAPNewsTL, Dili : iha loron 27 fulan Fevereiru 2025, loraik maiz ou menuz tuku tolu (15:00) akontese sidadaun inisial A.J mate iha SK-1Hotel Pantai-Kelapa, Postu Administrativu Dom Aleixo, Munisipiu Dili.
Tuir informasaun ne’ebe SAPNewsTL asesu iha terrenu katak sidadaun mane ne’e ho feto ida tama iha otél laran, ikus mai sidadaun ne’e lakon vida iha kuartu laran.
Hafoin sidadaun mane ne’e hakotu iis, parte otél na’in halo kontaktu ba parte seguransa hodi to’o iha fatin akontesimentu.
Bainhira Polísia Nacional Timor-Leste (PNTL) no Polísia FORENSIK to’o iha otél, sira halo identifikasaun no translada kedas mate isin ba Hospital Nacional Guido Valadares (HNGV).
Tuir informasaun ne’ebe SAPNews asesu mos katak Matebean ho inisial A.J.B ho idade 54 ne’e forma ona familia ho oan hamutuk na’in haat ne’e hela iha Tasi-Tolu husi postu administrativu Letefoho, Munisípiu Ermera.
Jornalista : Ekipa Kobertura
