PM Ibrahim Ko’alia Asuntu Tarifa Amérika & Krize Myanmar Iha Simeira ASEAN
Imajem : Primeiru Ministru Seri Anwar Ibrahim iha Malázia, 26/05/2025. Foto : Média PM
SAPNewsTL, Malázia : Primeiru Ministru Malazia, Seri Anwar Ibrahim iha ninia diskursu abertura simeira Asosasaun nasaun sira iha sudezte asiatiku (ASEAN) ba dala 46, toka asuntu global tarifa ne’ebe aplika hosi Prezidente Donald Trump no mos asuntu krize iha Myanmar.
Marciana da Conceição – SAPNewsTL. Fontes Média SEKomS
Malázia sente onradu atu prezide ASEAN iha tinan ida-ne’e – tinan ida ne’ebé espesiál signifikasaun. ASEAN marka dékada ida dezde estabelesimentu Komunidade ASEAN, konvida tantu reflesaun no renovasaun. Iha tempu hanesan, adota vizaun tinan 20 haree ba oin, nesesita ASEAN-nia kompromisu ne’ebé la nakdoko ho rezolusaun koletiva.
“Marka sira-ne’e oferese sentidu otimizmu no konfiansa ne’ebé hafoun ba ASEAN, subliña hosi reziliénsia ne’ebé notável hasoru kontestu ida husi dezenvolvimentu globál sira ne’ebé maka sai kompleksu no halo ita hanoin kle’an”.
Tranzisaun ida iha orden jeopolítika hala’o hela no komérsiu global ninia sistema iha hela presaun liután, ho impozisaun foin lalais ne’e hosi Estadus Unidus.” afirma Primeiru Ministru Malazia, Seri Anwar Ibrahim iha Sentru Konvensaun Kuallumpur Malázia, 26/05/2025.
“Ami agradese ba espíritu sentralidade nian no ba fraternidade entre Estadu Membru ASEAN sira hodi bele mai hamutuk atu harii frente komún ida hodi hasoru dezafiu sira-ne’e” nia reafirma.
Seri Anwar Ibrahim dehan ASEAN halo resposta lalais iha tratamentu ho tarifa sira EUA nian ho estabelesimentu Forsa Tarefa Jeo-ekonomia ASEAN hanesan pasu nesesáriu ida, la’ós de’it ba koordenasaun, maibé atu hatudu rezolusaun no konfiansa.
Maski nune’e, Malázia agradese ba espíritu sentralidade nian no fraternidade entre Estadu Membru ASEAN sira iha bele mai hamutuk atu harii frente komún ida hodi hasoru dezafiu sira-ne’e.
“Notavel maka ami nia resposta lalais iha tratamentu ho tarifa sira EUA nian ho estabelesimentu Forsa Tarefa Jeo-ekonomia ASEAN hanesan pasu nesesáriu ida, la’ós de’it ba koordenasaun, maibé atu hatudu rezolusaun no konfiansa” haktuir PM Ibrahim.
Asuntu Myanmar
Xefe Governu Malazia haktuir, kona-ba Myanmar, ASEAN konsege foti pasu pozitivu sira ho formasaun Grupu Konsultivu Informál ba Malázia hanesan ASEAN Chair ba 2025. Xefia hosi eis-Primeiru-Ministru Tailándia Dr. Thaksin Shinawatra, grupu ne’e mós hasoru malu iha Brunei Darussalam ne’ebé hetan grasa hosi prezensa husi Sua Majestade Sultan. Ida-ne’e signifikativu katak dezde terseiru enkontru ne’ebé hala’o iha Bangkok, ASEAN konsege muda ona agulha ba oin iha ASEAN nia esforsu sira ba rezolusaun eventuál krize Myanmar nian.
Nia afirma, ba ASEAN, ita-nia pás, estabilidade no prosperidade dalabarak depende ona iha orden internasionál ida ne’ebé nakloke, inkluzivu, bazeia ba regra sira ne’ebé metin iha fluxu livre komérsiu, kapitál no ema nian. Fundasaun sira-ne’e agora ne’ebé desmantela ho forsa asaun arbitrária nian.
Xefe Governu Malazia ne’e iha esperansa katak iha forsa no kbiit atu mantein ASEAN atu tahan anin-boot sira, dezafiu no inserteza sira ne’ebé ASEAN hasoru.