PM Xanana : Guvernu & Povu Tomak Debe Emilia Pires
SAPNewsTL, Dili : Primeiru Ministru Kayrala Xanana Gusmão saran lia hirak ne’e, Hafoin Sorumutu ho Prezidente Repúblika iha Palasiu Presidensial Nicolau Lobato Ai-Tarak Laran Dili
Iha intervista, wainhira Ko’alia kona ba revogasaun Sistema Finansas ne’ebe guvernu anterior uza, Primeiru Ministru Kayrala Xanana Gusmão haktuir Guvernu no Povu Tomak debe Sra. Emilia Pires
“Sistema uluk nian ne’e ita tuir fali Senhora Emilia Pires tanba estadu debe teb-tebes iha Senhora Emilia Pires tanba nia mak instala sistema iha Ministériu Finansas nian ne’ebe mak ita nia komunidade internasional hotu apresia tebes ba nia ho nia matenek”. Tenik PM Kayrala Xanana Gusmão ba Jornalista Sira Hafoin sorumutu ho PR José Ramos Horta iha Palasiu Presidensial, 27/07/2023
Governante ne’e akresenta, Senhora Emília Pires ajuda Guvernu no Povu Timor Leste liu husi investe iha Fundu Petróleu, ne’ebe ohin loron Timor Leste iha 8 Billões husi Fundu Petróleu
“Ajuda ita, investe fundu petróleu agora ita iha 8 bilhoes husi fundos petróleu investe husi ida ne’e ami informa ona prezidenti da Republika hodi kurize buat hirak ne’e hotu”,Tenik Primeiru Ministru
Líder Nonu Governu Konstitusional ne’e mos afirma sei halo revogasaun ba Lei Transparênsia Ka Sistema Finansas ne’ebe guvernu anterior muda, nune’e sei revoga fila fali lei ne’e hodi Guvernu bele implementa no konkretiza sira nia Programa durante mandatu
Enkuantu, kona ba Orsamentu Retifikativu, Primeiru Ministru afirma Guvernu sei Servisu makaas hodi aprensenta Orsamentu Retifikativu ba Parlamentu Nasional iha loron 10 Fulan Agustu tinan ne’e.
Jornalista: Lídia Amaral