PNTL Kaptura Ona Autor Ninja Na’in 4 Iha Bobonaru
SAPNewsTL, Bobonaru : Relasiona ho informasaun ne’ebe viral iha Media Sosial kona-ba ema na’in lima asalta labarik ida ho nia avo feto inklui motorista iha Aldeia Kosar, Suku Saburai, Postu Maliana Munisipiu Bobonaro iha loron 25 fulan Dezembru tinan 2023 akontesementu iha oras 14:05.
Tuir informasaun ne’ebe SAPNewsTL asesu liu husi Pajina Facebook PNTL informa katak ohin Polisia Kaptura ona suspeitU na’in haat seluk no entrega ona ba Komandu PNTL Munisipiu hodi hakat ba prosesu investigasaun
“Hakarak informa ba publiku katak, Suspeitu ba Saburai Kapturadu tamba nain 4 seluk agora entrega-an ona ba iha postu UPF Lontama Munisipiu Bobonaro”. SAPNewsTL Screeshoot liu pajina facebook PNTL, Dili, 28/12/2023
Hafoin kaptura autor sira, Unidade Polisia Fronteira (UPF) kontaktu kedas ba PNTL Komandu Munisipiu Bobonaro hodi foti suspeitu refere hodi kontinua halo prosesu Investigasaun iha PNTL Bobonaro.
Tuir informasaun ne’ebe SAPNewsTL asesu liu video ne’ebe viral iha media sosial hatudu katak ninja foun ne”e mosu iha Suku Saburai, Postu Maliana, Munisipiu Bobonaru iha loron 25 Dezembru 2023 maiz ou menuz tuku 14::00 loraik
Iha publikasaun video ne’e, hatudu katak ninja ne’ebe otas sei joven nain hat(5) refere tenta hapara motor ida ne’ebe tula ferik ida ho oan inklui joven mane ida ne’e hodi baku, tuku no tebe, ikus mai motor monu halo ema na’in tolu ne’e monu husi motor.
“Bainira sira hapara, sira baku motorista ne’e, motorista halerik bolu ama ! Avo ne’ebe tur iha kotuk ne’e husu atu sira nain haat labele halo asaun refere maibe sira nain haat kontinua halo to’o sira monu husi motor leten”. SAPNewsTL screenshop iha media sosial, Bobonaru, 25/12/2023
Ema nain haat ne’e, nain 4 mak uza faru metan kesi iha ulun no taka metin sira nia oin. Joven ida mak uza jaket mutin hodi taka iha ulun.
Hafoin video ne’e publika no viral iha media sosial, halo nitizen barak sentre preokupa no husu ba parte autoriedade seguransa liliu Polisia Nasional Timor-Leste (PNTL) no Polisia Sientífika Investigasaun Kriminal (PSIK) hodi buka tuirautor nain haat ne’ebe viola ordem publika iha Munisipiu Bobonaru.
Entretantu, antes ne’e PNTL Munisipiu Bobonaru asegura uluk suspeitu ida hodi hatan ba prosesu investigasaun, no ohin konsege kaer tan suspeitu na’in haat seluk.
Jornalista : Marcela Mesquita Lemos