Povu Konsidera Guvernu Laiha Kapasidade Organiza Eleisaun Suku
SAPNewsTL, Lautém : Relasiona ho realizasaun eleisaun ba lideransa komunitaria iha territóriu nasionál, iha ne’ebé hetan superviziona husi CNR no administra husi STAE ne’ebé la’o kleur no uza sistema manual hodi hakerek de’it naran Kandidatu Xefe Aldeia no Dekegadu/a sira
Estudante Universidade Nasionál Timor Lorosa’e (UNTL) Marinho de Deus Pinto konsidera Guvernu Konstitusionál dasia falha organiza eleisaun Lideransa Komunitaria tanba laiha kapasidade hodi hadia sistema eleitoral
“Guvernu Konstitusionál dasia falha no laiha kapasidade hodi organiza eleisaun suku tanba uza fali sistema manual hodi hakerek de’it kandidatu sira nia naran ho liman, ikus lai ema barak la vota no deside fila ba uma inklui votu nulu barak liu”. Tenik Estudante UNTL Marinho de Deus Pinto ba SAPNewsTL iha Luro, 28/10/2023
Estudante UNTL ne’e hatutan, lolos guvernu labele uza sistema manual hodi hakerek de’it kandidatu sira nia naran ho liman, lolos la tempu ona para guvernu nafatin uza sistema tradisionál iha tempu agora tanba esperiénsia barak iha ona oinsa organiza eleisaun ida
“Lolos la tempu ona guvernu ida-ne’e uza nafatin sistema manual hodi hakerek kandidatu sira nia naran ho liman hodi difikulta prosesu naruk iha eleisaun suku, se iha eleisaun Parlamentár no prezidensiál organiza didiak tanba sa eleisaun ne’e organiza oin seluk fali hanesan eleisaun ba xefe da turma ida, ha’u triste haree prosesu ne’e”. Nia lamenta
Iha sorin seluk, Joventude Fernando Coluna sente lamentavel tanba guvernu ladun fo seriedade ba sistema eleitoral ne’ebé halo prosesu naruk hodi difikulta komunidade barak la vota
“Ha’u kestiona tebes prosesu eleisaun lideransa Komunitaria periodu ne’e tanba governu hanoin nia an de’it no la fo seriu ba eleisaun ne’e, ikus mai komunidade barak la vota tanba hein kleur no hamlaha”. Tenik Fernando Coluna ba SAPNewsTL Sabadu, 28/10/2030
Tuir Observasaun Jornalista nota katak komunidade sira barak la konsege vota no fila ba uma tanba sistema Vota Hein kleur no naruk la hanesan ho eleisaun Parlamentár no prezidensiál
Enkuantu, Eleisaun Suku sira ne’ebé la’o iha Munisípiu Lautém, inklui Postu Administrativu Luru la’o iha ambiente paz, unidade no estabilidade nia laran maske tendensia emosional
Jornalista : Luís Pailofo