PR Marcos : “Tempu To’o Ona, Teves Hasoru Justisa”
Imajem : Presidente Filipina Marcos Ferdinand
SAPNewsTL, Filipina : Presidente Filipina Marcos Ferdinand deklara Eis Reprezentante Arnie Teves Jr fila fali ba Filipina tanba Timor-Leste prontu haruka no hetan servisu makaas husi Primeiru Ministru Kay Rala Xanana Gusmão no Presidente Repúblika José Ramos Horta.
Marciana da Conceição – SAPNews
“Eis Reprezentante Arnie Teves Jr oras ne’e fila fali ona mai Filipina, ha’u hetan informasaun kona-ba dezenvolvimentu ne’e husi Primeiru Ministru Gusmão durante reuniaun ASEAN ne’ebé ha’u foin fila husi Kuala Lumpur”.
“Timor Leste prontu atu haruka Teves fila fali ba Filipina. Entaun ida ne’e sei la akontese bainhira laiha asisténsia husi Prezidente Horta no Primeiru Ministru Xanana Gusmão husi Timor-Leste”.
“Sira serbisu maka’as tebes atu lori ida-ne’e ba konkluzaun ida tanba ita hatene katak eis-kongresista Arnie Teves hasoru hela akuzasaun sira ba omisídiu no krime sira seluk relasiona ho oho emboskada ba eis-Governadór Digamo”. Informa Presidente Filipina Marcos Ferdinand iha Filipina, 29/05/2025
Presidente Filipina ne’e dehan sidadaun Arnie Teves Jr tempu ona atu hasoru justiça.
“Ami hakarak mós atu garante ba ami nia sidadaun sira hotu katak hahalok la tuir lei hanesan ne’e sei la hetan kastigu no agora to’o ona tempu ba Arnie Davis atu hasoru justisa”. Nia afirma
Imajem : Arnolfo Teves Jr
Antes ne’e, Governu Timor-Leste liu hosi Presidensia Konsellu Ministru Agio Pereira informa katak sidadaun Arnolfo Teves Jr. deporta hosi Timor-Leste ho desizaun administrativa hosi Ministériu Interiór, tanba nia iha rai-laran lahó vistu válidu, lahó autorizasaun legál atu hela no ho ninia pasaporte ne’ebé Governu Filipinu kansela.
“Desizaun ho efeitu imediatu, bazeia ba lejizlasaun nasionál kona-ba migrasaun no azilu no bazeia ba risku sira ne’ebé sidadaun nia estadia hamosu ba orden públika no seguransa nasionál”. Sita Agio Pereira liu hosi karta komunikadu imprensa iha Díli, 28/05/2025
Sidadaun Arnie Teves Jr hetan akuzasaun kriminál oioin iha Filipinas, inklui akuzasaun omisídiu hamutuk 13, tentativa omisídiu 13 no omisídiu frustradu 4, relasiona ho krime sira ne’ebé komete entre tinan 2019 no 2023, inklui asasinatu ba Governadór Negros Orientál, Roel Degamo, iha tempu ne’ebá.
Nune’e konsidera faktu sira-ne’e no tuir Lei Migrasaun no Azilu, nia mós hetan bandu atu tama iha territóriu nasionál durante períodu tinan 10 nia laran.