Primeira Mulher Timorense Lidera PN, Fernanda Lay Agradese Ba CNRT & PD
SAPNewsTL, Dili : Iha Reuniaun Dahuluk Deputadu Sexta Legislatura Parlamentu Nasional, Bankada Partidu Congresso Nacionál Reconstrução de Timor (CNRT) no Partidu Demokrátiku (PD) depozita Konfiansa Ba Deputada Maria Fernanda Lay sai Primeiru Feto Timor Oan Ne’ebe Prezidente Parlamentu Nasionàl (PN)
Iha Diskursu Presidente PN Eleitu Maria Fernanda Lay Agradese Ba Maromak, Herói Sira, Povu Timor Leste tanba iha Prosesu naruk nia laran Timor Leste konsege jere diferensia halo Timor Nia unidade Kontinua sai forte no metin liu tan
“Agrasede ba Maromak, Herói no Povu Timor Leste ne’ebe Ita tempu naruk konsege jere diferensia iha Prosesu Konstrusaun Estadu Direitu no Demokrátiku, Halo Timor nia Unidade sai forte no metin liu Tan”. Tenik Presidente Parlamentu Nasional Eleitu Maria Fernanda Lay liu husi nia Diskursu iha Uma Fukun Parlamentu Nasionàl, Dili, 22/06/2023
Presidente PN eleitu ne’e mos agradeçe ba Konfiansa ne’ebe simu husi Maun Boot Kayrala Xanana Gusmão Atuàl Presidente Partidu CNRT inklui Estrutura Partidu Demokrátiku
“Agradese Ba Presidente Partidu CNRT Maun Boot Kayrala Xanana Gusmão, Sekretariu Jeral Partidu CNRT, Partidu Demokrátiku ho estrutura Tomak husi Partidu rua ne’ebé fo Konfiansa ba Ha’u sai Presidente Parlamentu Nasionàl”. Dehan Presidente PN Eleitu
Fernanda Lay Promete sei dere odamatan Bankada hotu hotu nian hodi hamutuk hakat ba Mudansa, konsolida konstituisaun no fo kontinuidade ba servisu Hotu ne’ebé liu daudaun tanba povu Hein Kleur Tebes ona kona ba Mudansa
“Ha’u sei dere odamatan Bankada hotu hotu nian (Bankada FRETILIN, PLP, KHUNTO,PD no CNRT) hodi ita Hamutuk Hakat ba Mudansa, konsolida konstituisaun, fo kontinuidade ba Kinta Legislatura tanba povu hein kleur Tebes Ona Kona ba Mudansa”. Nia Hatete
Presidente PN Sesante Aniceto Guterres fo parabens ba Presidente Parlamentu Nasionàl Eleitu Maria Fernanda Lay tanba hanesan Primeira Mulher Timorense ne’ebe hetan Konfiansa sai Lidera Orgaun Soberanu PN
“Rezultadu Eleisaun Da Meza Votus Afavor 45, Kontra Zero, Abstensaun 19, no Votu Branku 1, Parabéns Ba Presidente Parlamentu Nasionàl Eleitu Maria Fernanda Lay, Primeira Mulher Timorense, Parabéns ba Feto Timor Leste”. Hatete Presidente Parlamentu Nasionàl Sesante Aniceto Gusterres iha uma Fukun PN, 22/06/2023
Enkuantu, iha sesaun abertura ne’e Partisipa Husi Presidente Partidu CNRT Kayrala Xanana Gusmão, Presidente Partidu FRETILIN Francisco Guterres Luolo, Sekretariu Jeral FRETILIN Mari Alkatiri, Deputadu Lere Anan Timur, Presidente Partidu Demokrátiku Mariano Assanami Sabino, Entretantu Presidente Partidu PLP Taur Matan Ruak maka la Marka Presenza
Jornalista: Ermelinda Soares