RAEOA : Ahi-Han Uma Hamutuk 12, Hakanek Ferik 1 & Defisiente 1
Imajem : Ahi Han Uma Komunidade Hamutuk 12 iha Sub-Rejiaun Oe-Silo, RAEOA,13/11/2024. Foto : Sosial Mídia
SAPNewsTL, RAEOA : Relasiona ho ema deskunhesidu sunurai iha Postu Administrativu Oe-Silo rezulta ahi han uma komunidade hamutuk sanulu resin-rua (12), ferik ida ho naran Teresa Lafu no defisiente Rosario Punef sofre kanek.
Tuir Informasaun ne’ebé SAPNews asesu liu hosi Autoridade Protesaun Sivíl (APC) katak ahi han uma hamutuk 12 iha Rejiaun Administrativu Espesial Oe-Cusse Ambenu (RAEOA) Sub-Rejiaun Oe-Silu tanba kauza husi ema sunu rai arbiru.
“Ema deskoñesidu sunu rai, to’os besik uma komunidade hodi alarga to’o daet ba uma komunidade nia uma hamutuk 12 iha Aldeia Buqui, Suku Usitasae, Sub-Rejiaun Oe-Silo, RAEOA”.Haktuir Pedro Media APC-RAEOA,13/11/2024. SAPNews Screenshot
Insendiu refere akontese iha tuku 16:30 loraik, akontesimentu ne’e rezulta ferik ida ho naran Teresa Lafu no defisiente Rosario Punef sofre kanek.
“Husi akontesementu ne’e rezulta Teresa Lafu ho idade 70 no difisiénsia Rosario Punef ho idade 45 hetan kanek kmaan”. Informa nia
Hafoin akontesimentu, Ekipa Bombeirus RAEOA to’o kedas fatin akontesimentu hodi halo intervensaun liu hosi hamate ahi no salva vítima sira hosi inséndiu.
Jornalista : Eleonora Fátima