Reduz Dependénsia no Diversifika Ekonomia, Fretilin Husu Guvernu Investe Iha Setor Poténsia
SAPNewsTL, Dili: Deputada Bankada Fretilin Maria Anabella Savio hateten ema nu’udar sentru iha politika dezenvolvimentu Nacional, investimentu prinsipal Ida mak setor agrikola ne’ebe akomoda ba 70% hektares husi populasaun maibe to’o ohin loron seidauk iha resultadu signifikativu iha area Ida ne’e.
“Ita tenki haree ita nia frajilidade sira, oinsa bele minimiza ita nia dependensia ba rai liur inklui setor agrikola, ita tenki reabilita fali planu sira prioritiza ba divertifikasaun ekonomia liu husi investe iha area potensial hanesan setor agrikultura hodi labele depende deit ba Minarai”. Tenik Deputada Bankada Fretilin Maria Anabella Savio iha Plenaria Parlamentu Nasionál orseik, 02/08/2022
Deputada ne’e Akresenta Timor- Leste rai-bokur ba agrikultura ho luan hektares rihun ba rihun iha kosta sul no kosta norte, investe ba setor ida ne’e hodi bele garante ba longu prazu iha seguransa alimentar ne’ebe sustentavel mesmu hasoru daudaun mudansa klimatika
“Ita bele kompara ho Timor Osidental, ita ho sira halo fronteira terestre ho bebidas sira ida ne’e ba nasaun rua, ita haree sira gradualmente hahu iha progresu makaas, ita bele haree oinsa sira nia governasaun hari‘i infrestrutura basika ba setor Ida ne’e”. Nia hatete
Entretantu, barragem sei fo utilidade direita ba setor agrikola no povu nia ekonomia hanesan fornese bee ba irrigasaun, fornese bee mos ba povu, sai rezervator ba bee nalihun hodi evita inundasaun no mos bele fornese ba eletrisidade
“Apoia ba dezenvolvimento setor turismu sei melloria ita nia setor Agrikola, ita nia governu iha planu atu Hari’i infrestrutura hanesan barragem sei estimula divertifikasaun ekonomia hodi la depende deit ba Minarai”. Nia sublinha
Enkuantu, atu la dependénsia total ba importasaun produsaun agrikola husi rai –liur, ideia diversifikasaun ekonomika laos reitorika deit maibe iha implementasaun konkreta nune sei loke kampu trabalho Ida sustentavel iha setor agrikola no turismu
“Ita nia ema Laos tenki hotu-hotu ba buka serbisu iha rai –liur, estimulha kresimentu ekonomiku iha rai-laran no bele hasa’e povu nia kualidade de Vida importante liu”. nia hakotu.
Reporter : Ermelinda Soares