Rekruta Musulmanu TL Estuda Iha Sumatra, La Taka Dalan Ba Família Vulneravél
SAPnewsTL, Dili : Hafoin Prezidente KONISTIL halo vizita ofisial iha Universidade Sumatra Barat Indonésia, Prezidente Konsellu Nasionál Islámico Timor-Leste (KONISTIL) hatete Universidade Sumatra Barat prontu ona atu simu juventude musulmanu Timor Leste hodi ba kontinua estudu iha Indonésia liliu iha Sumatra
Prezidente KONISTIL Pascoal Pinto Soares Lemorai Hateten objetivu husi vizita ofisial ba Indonésia mak ko’alia ho organizasaun musulmanu iha indonezia atu oinsa sira bele fasilita organizasaun musulmanu iha Timor atu bele ba estuda iha ne’ebá
“Atu bá estuda iha ne’ebá, liliu sira ne’ebe hakarak ba universidade inklui SMP, SMA, ami halo ona kolaborasaun ida oinsa iha kontinuasaun ne’e iha fulan tolu(3)mai ne’e, ha’u sei ba ko’alia lai ho sira nia Governu Sumatra Barat atu iha Memorandum of Understanding (MoU) ida para atu servisu ida ne’e ita bele la’o tuir koridor lei ne’ebe iha”. Dehan Prezidente Pascoal Pinto Soares Lemorai ba jornalistaSAPNewsTL iha knar fatin kampung Alor, Quinta-Feira:18/08/2022.
Nia hatutan, alin sira ba eskola iha Jakarta, Surabaya ne’e, sira haree liu ba Kitas, kuandu kitas mate inan-aman iha Timor sei terus maibe nia lakoi ida ne’e atu akontese
“Ita nia alin sira ba eskola, ita presiza hatene mos sira nia dokumentus estudante nian, toba fatin, han, no hemu nian oinsa, ita boot sira kolabora ho ami tanba ami hanesan minoria iha Timor, atu fasilita para ami mos sai hanesan sumber kemanusiaan ne’ebe diak atu bele lori rai ne’e ba diak”. Afirma nia
Presidente KONISTIL ne’e realsa atu ba eskola iha ne’eba, la sei fasilita deit komunidade musulmanu, maibe sei haree mos ba inan aman sira ne’ebe laiha kbiit atu oan sira kontinua estudu
“Ha’u la sei hili pertense husi komunidade musulmanu deit maibe mos bá joventude ne’ebe laos Musulmanu, maibe ita haree bá iha sira nia inan-aman ne’ebe la bele selu sira nia oan sira nia estudo ami mos bele fasilita sira no lori sira ba eskola iha ne’eba”. Tenik nia
Presidente KONISTIL atual Koselleiru Média SAPNewsTL ne’e fundamenta, tinan ida ne’e mak sira sei reuniaun ho estrutura no sira sei halo kualifikasaun ba kada munisipiu no nain hira ne’ebe mak liu sei ba tuir treinamentu, nune’e, wainhira ba nia bele tahan iha ema nia rain to’o eskola hotu.
“Sumatra tuir ha’u nia perspektiva katak agora dadauk ne’e ita ko’alia kona ba religiaun islam sira ne’ebe iha kultura no iha religiaun makas liu, ha’u hili Sumatra sai hanesan matadalan ba estudante Timor oan atu halo sira nia estudu iha Sumatra hodi buka matenek no sai matenek para loron ida bele fila hadia no lori rai ne’e ba oin.Nia sublinha
Enkuantu, kona-ba prosesu selesaun sei hahú iha tinan ne’e, tempu badak Presidente KONISTIL sei fila ba Sumata Barak hodi asina Nota de Entendimentu ida kona ba prosesu fasilita Komunidade Musulmanu Timor Leste ba estuda iha Indonésia ho gratuita
Jornalista : Conzita Mota
Editor : Luis Pailofo