Rekrutamentu Membru F-FDTL ! Prioridade Ba Experiênsia Servisu Tinan 2-5
SAPNewstl,Dili : Ohin Komissaun Rekrutamentu FALINTIL-Forsa Defeza Timor-Leste (F-FDTL) rejime espesial 2023 fó sai rezultadu ba públiku konabá kandidatu sira ne’ebé maka pasa ona iha selesaun dokumentus ba sira ne’ebe passa no la passa
FALINTIL-Forsa Defeza Timor-Leste (F-FDTL) Hala’o avaliasaun bá dokumentus aplikante sira bazeia ba Sistema ne’ebé mak estabelese.
“kriteriu ne’ebé mak ami fó sai no estabelese ne’e la fasil tanba uza sistema dijital atu nune’e Ema ne’ebe preokupadu mos bele aplika, nune’e mos Ami iha painel externa no internu hodi avalia ba aplikante nia dokumentus tuir area ne’ebe mak fo sai hodi buka ema ne’ebé mak kualifikadu atu mai apoiu tan iha FALINTIL-FDTL”. Dehan Major Helio da Costa Responsavel Tekniku ba Komissaun Rekrutamentu Rejime Espesial F-FDTL 2023 Iha Nia intervista ba Jornalista iha salaun kuartel jeral F-FDTL, Tersa 14/11/2023
Komisaun kontinua hala’o servisu maibé faze ida agora, iha painel sira nia liman tamba ne’e mak iha faze lubuk ida iha Sistema ne’e hodi bele hamos sistema familiarismu.
Iha Fatin hanesan, Dr. Mendes Pinto nu’udar Juri Externa hateten katak husi saude aplikante Pur volde 86 ne’ebe mak husi area ketak-ketak.
“Tuir avalisaun katak aplikante saude ne’ebe mak termina estudu barak liu iha rai laran no balu husi Rai liur, nune’e sei foti ida ne’ebe mak esperiensia Maximu tinan 5 i minimu tinan 2” Nia Salienta
Nune’e mos Maijor Rui Soares nu’udar Juri Interna hatutan Tan enjeral sistema ne’e kapas tanba la’o ho sistema foun nebe dijital.
“Relativamente iha processu avalisaun ba hablitasaun literasia seidauk iha reklamasaun husi aplikante tanba ami husi painel halao serbisu bazeia ba kriteria ne’ebe fo sai” Nia Salienta
Entretantu, Rezultadu aplikante ne’ebe mak submete mak total 2.530 kompostu husi Mane 2,117 no feto 413, iha Rezultadu provisoriu tuir painel Sira avalia ona total 675, Mane 596 no feto 79, nune’e Komissaun Rekrutamentu FALINTIL-Forsa Defeza Timor-Leste (F-FDTL) rejime espesial 2023 sei fó sai rezultadu ba públiku iha Loron Aban.
Jornalista : Marcella Mesquita Lemos