Rezeita Nepotismu Iha SEFOPE ! Rogério Husu Públiku Karik Iha Faktu Bele Keixa Iha Ministériu Públiku

Imagem : SEFOPE Rogério de Araújo Mendonça iha Palm Springs,24/03/2026

SAPNewstl, Dili : Relasiona ho polémika iha media sosial koba-ba rekrutamentu vaga ba servisu iha Australia ne’ebe deskonfia mosu sistema familiarismu no laiha transparénsia, SEFOPE Rogério Mendonça deklara informasaun refere lalos tanba divulga hosi individu balun ne’ebe uza identidade falsu.

Dircia Baptista – SAPNewsTL

Sekretariu Estadu Profisional Empregu  {SEFOPE} Rogério Araujo Mendonca hatete, problema kona-ba trabalhador ba servisu iha rai-liur katak sistema rekrutamentu la ho transparénsia, no kobransa illegal  ne’e la justu, nune’e SEFOPE husu “aplikante sira iha evidénsia bele ba keixa iha Ministériu Públiku”.

“Kandidatu sira ne’ebe sente la satisfas  kona-ba sistema rekrutamentu no iha evidensia  ruma katak  iha rekrutamentu  familiarismu no kobransa illegal  bele lori bai ha Ministériu Públiku depois mak SEFOPE ba presta deklarsaun iha ne’eba,”Teni SEFOPE Rogério Araujo Mendonca iha Palm Spring,24/03/2026

Sekretariu Estadu Profisional Empregu afirma katak governu iha komitmentu ne’ebe diak  no servisu ho fuan ba povu no nasaun. Problema sira ne’ebe  mak espalha iha media social hamosu rekrutamentu ne’ebe ho familiarismu  ho kobransa illegal ne’e “informasaun sira ne’e falsu”.

“Tanba ne’e husu ba públiku atu labele rona  informasaun sira ne’ebe mai husi sosial media liuliu  iha ID falsu ne’ebe mak akuza ema nia  privasidade”.

 SEFOPE sublina, sistema rekrutamentu ne’ebe mak SEFOPE iha, laos SEFOPE  mesak mak hala’o, sistema ne’e  hetan akonpanhamentu husi parte governu Australia nian, CAC no PDHJ. Tanba sistema ida  agora la hanesan sistema ida uluk.

“Uluk ita uza sistema manual no agora ita halo diferente, iha tinan 2024 mai to’o agora ita uza sistema eletrónika, ita garante katak sistema  ne’e transparante”.

SEFOPE husu ba públiku atu haree didiak informasaun iha media social tanba ema barak uza ID falsu hodi atake ema.

“Tanba ne’e husu ba orgaun konpeténte sira liliu  PCIC (Polícia Ciéntifica Investigação Criminal) atu identifika ema sira ne’ebe mak  uza identidade la klaru hodi lansa informasaun falsu iha rede social”.

Entretantu, antes ne’e viral iha media social katak SEFOPE prátika nepotizmu iha sistema rekrutamentu hodi fasilita familia no halo konbransa illegal hodi selu ema fasilita ba servisu iha rai-liur