SAMES No  UNFPA Selebra Memorandu Entendimentu

Imajen United Nations Populations Fund (UNFPA), no Serviço Autónomo de Medicamentos e Equipamentos de Saúde (SAMES) iha Salaun Lasama SAMES, (28/10/22).

SAPNewsTL, Dili – United Nations Populations Fund (UNFPA), no Serviço Autónomo de Medicamentos e Equipamentos de Saúde (SAMES)  asina memorandu entendimentu, objetivu husi MoU  ne’e atu fó ba governu Timor-Leste asesu ba rede fornesimentu globál UNFPA nian hodi buka/adquiri produtu saúde seksuál no reprodutiva ne’ebé bele ema nia salva moris.

Tuir Diretor SAMES Akordu refere sei kontribui diretamente atu atinji objetivu dezenvolvimentu sustentável iha Timor-Leste liliu atu hapara nesesidade Planemanetu Familiar ne’ebé la hetan resposta no hapara mortalidade materna ne’ebé ita bele prevene/evita

“Memorandu Entendimentu ne ‘e sei fó dalan ba SAMES atu asesu ba katalog produtu UNFPA nian ne’ ebé liga ba rede oferta globál  ho presu kompetitivu no produtu ne’ebe ho kualidade aas. Produtu sira ne’ebé disponivel liu hosi rede ne’e maka produtu Saúde Seksuál no Reprodutiva, medikamentu ba saúde materna, teste diagnóstiku, produtu farmaséutika to’o instrumentu médiku, hapara mortalidade materna inklui sasan sira seluk tan”. Dehan Diretor Ezekutivu Servisu Autónomu Medikamentu no Ekipamentu Saúde (SAMES) , Santana Martins ba jornalista sira iha Salaun Lasama SAMES, (28/10/22).

Timor-Leste hanesan nasaun ida ho taxa mortalidade inan nian ida ne ‘ebé aas liu iha Sudeste Aziátiku, akordu ne’e komprimissiu sériu ida husi Governu Timor-Leste atu investe iha Saúde Reprodutiva tuir estratéjia Nasionál Seguransa Reprodutiva no Polítika Planeamentu Familiar nian

SAMES  sei kontinua servisu besik liu ho Ministériu Saúde hodi halo projesaun no ezersisiu kuantifikasaun, dezenvolvimentu pedidu aprovizionamentu nian, no planu distribuisaun produtu relevante sira iha rai laran, atu nune’e bele garante produtu sira ne’ e bele to’o ba utilizador ikus tuir prinsípiu sira garantia produtu hodi hadi’a jestaun kadeia fornesimentu nian.

Entretantu, tuir Reprezentante UNFPA iha Timor-Leste, Pressia Arifin-Cabo, sente haksolok tanba bele asina ona Memorandu Entendimentu ida ho SAMES ba aprovizionamentu ho rejime ba terseira parte nian

“Ksolok boot tebes mak ha ‘u asina ohin, hodi Fundu Populasaun Nasoens Unidas ba Populasaun, Memorandu Entendimentu ida ho SAMES ba aprovizionamentu ho rejime terseira parte nian, ha’u hakarak kongratula Governu Timor-Leste ba inisiativa atu aloka rekursu doméstiku sira ba akizisasaun sasán sira salva moris nian, ne’ebé hatudu importánsia fundamentál ba Saúde Seksuál no Reprodutiva iha Timor-Leste ne’ebe reprezenta mós konkretizasaun ba kompromisu sira ne’ebé hatur ona iha Estratéjia ba Seguransa Produtu Saúde Seksuál Reprodutiva no Polítika Nasionál Planeamentu Familiar, ne’ebé apoiu husi UNFPA”. Tenik Pressia

Akizisaun Parte datoluk ne ‘ebé asina, hanesan dokumentu legál ida ne ‘ebé vinkulativu, ne’ ebé asina ona entre SAMES no Unidade Jestaun Fornesimentu husi Fundu Nasoens Unidas ba Populasaun (UNFPA).

Enkuantu, Durante períodu tranzisaun ida-nee, UNFPA sei kontinua servisu besik liu ho Ministériu Saúde Timor-Leste no SAMES hodi halo projesaun no ezersisiu kuantifikasaun, dezenvolvimentu pedidu aprovizionamentu nian, no planu distribuisaun produtu relevante sira iha rai laran, atu nune ‘e bele garante produtu sira ne’ e bele to ‘o ba utilizador sira no tuir prinsípiu garantia produtu sira nian.

 Jornalista     : Antonio Tilman

Editor              : Ekipa Editorial