Sarani Liu 50.000 Vizita Bazílika ! Aban Realiza Fúnebre Ba Papa Francisco
Imajem : Sarani sira vizita Bazílika São Pedro hodi presta omenajem ba Papa Francisco, Vatikanu,24/04/2025. Foto : Vatican News
SAPNewsTL, Vatikanu : Hafoin hatur Santu Parde Papa Francisco nia mate isin iha Bazílika São Pedro, desde orseik to’o ohin loron, sarani sira hamutuk liu ona rihun limanulu (50.000) mak hala’o vizita ba Bazílika hodi presta omenajem ba Papa Francisco.
Tuir informasaun ne’ebé Mídia Sapnews asesu liu hosi Vatican News haktuir katak durante loron rua, Papa Francisco nia isin mate, sarani rihun limanulu mak hala’o vizita hodi despede no presta omenajem ba Papa Francisco.
“Bazílika São Pedro nian loke fali iha tuku 7 dadeer oras lokál iha Kinta-feira, 24 Abril, hafoin taka de’it durante oras rua iha kalan. Fiar-na’in sira-nia liña rohan-laek muda oráriu sira ne’ebé estabelese tiha ona no, hahú horisehik, ema liu rihun 50 maka vizita ona Bazílika”. Sita Vatican News, Vatikanu,24/04/2025.
Imagem : Isin Mate Papa Francisco iha Bazílika São Pedro
Vatican News sita mós katak oportunidade vizita ba Bazílika São Pedro hodi presta omenajem ba Papa Francisco sei dura to’o sexta-feira, 25 Abril 2025.
“Fiar na’in sira sei bele despede Papa Francisco to’o kalan no loron, sesta-feira, 25 Abril, tanba Roma prepara ba funeral iha loron-sábadu, 26 Abril”. Sita Vatican News
Versão Portuges :
A Basílica de São Pedro foi reaberta às 07h00 locais da manhã desta quinta-feira, 24 de abril, após apenas duas horas de fechamento durante a noite. Uma fila interminável de fiéis mudou os horários que já estavam estabelecidos e, desde ontem, mais de 50.000 pessoas visitaram a Basílica.
Será possível despedir-se do Papa Francisco até a noite de sexta-feira, 25 de abril, enquanto Roma se prepara para o funeral no sábado, 26, com um grande plano de segurança.
Jornalista : Marciana Da Conceição