SEFOPE : Aplikante Ne’ebe Hetan Valor 0-49 Sei Tuir Formasaun Iha Munisípiu

Imajem : Diretor Jeral Sekretariu Estadu Formasaun Profisional no Emprego, (SEFOPE) Carlito do Rosario Cabral hala’o komunikadu imprensa iha Salaun SEFOPE Kaikoli, Quarta (17/07/2024)

SAPNewsTL, Díli – Sekretáriu Estadu Formasaun Profisional no Emprego (SEFOPE sigla Portugués) liu husi Diresaun Nasional Empregu Estrangeiru (DNEE) publika ona rezultadu teste vaga online, Programa Pacifik Australia Laboral Mobility (PALM sigla Inglés) 2024.

Diretor Jeral Sekretariu Estadu Formasaun Profisional no Emprego, (SEFOPE) Carlito do Rosario Cabral hateten, Ohin dia 17 de julho 2024 SEFOPE liu husi, Diresaun Nasional Empregu Estranjeiru hakarak hato’o ba, publiku kona-ba resultadu teste online lian english ne’ebe konkorente sira konkore iha fulan, February to’o iha fulan, Abril tinan ne’e, iha territorial nasional.

“Dadus ne’ebe ohin loron ami publika bazeia ba koresaun ne’ebe ekipa avaliador hala’o teste eskrita ba konkorente Programa Pacifik Australia Laboral Mobility PALM ne’ebe ekipa DNEE hala’o koresaun durante loron 3-9 fulan junhu,” Dehan Diretor Jeral Sekretariu Estadu Formasaun Profisional no Emprego, (SEFOPE) Carlito do Rosario Cabral ba jornalista sira iha, Salaun SEFOPE Kaikoli, Quarta (17/07/2024)

Nia hatutan, resultadu hanesan anexu iha teste ne’e hamutuk pergunta 50 no kada pergunta ne’ebe konkorente sira prense sertu, sei hetan valor rua 2, nune’e resposta ne’ebe los ida 1 signifika valor prensementu rua 2, tamba ne’e kriteria ne’ebe oferese ba aplikante sira mak tuir mai ne’e.

✓Primeiru kandidatu ne’ebe hetan valor 85-100 konsidera nia hanesan excellente
✓Kategoria ba segundu nia kandidatu ne’ebe hetan valor 70-84 konsidera diak los iha lian English very good.
✓Kandidatu ne’ebe hetan valor 50-69 konsidera diak lian English good .
✓Kandidatu ne’ebe hetan valor 40-49 konsidera sufficiente.
✓Kandidatu ne’ebe hetan valor 25-39 ne’e la diak lian English poor.
✓Kandidatu ne’ebe hetan valor 0-24 ne’e kategoria la diak liu lian english very poor, Tenik nia.

“Ohin ami temi ema ida iha klasifikasaun nia laran maibé sira ne’ebe tuir teste eskrita ita nafatin konsidera sira iha sistema nia laran, ita sei la hasai signifika sira ne’ebe suffisiente tun iha very poor ne’e ita konsidera ativu hela iha sistema, tamba ne’e ita rekomenda ba aplikante ne’ebe derota atu bele hasa’e sira nia koinesimento ho nivel english iha idak-idak nia, Munisipiu”.

Diretor Jeral ne’e fundamenta, oportunidade ne’ebe, SEFOPE fasilita ba aplikante sira ne’ebe la pasa vaga online Programa Pacifik Laboral Mobility sei tuir formasaun lian english, durante fulan tolu 3, hafoin termina formasaun aplikante sira sei mai apresenta sertifikadu lian english iha SEFOPE, atu bele aumenta sira nia koinesimentu kona-ba lian english husi good, very good to’o excellente, nune’e sira bele iha oportunidade atu ba servisu iha rai liur, Nia salienta.

“Husi resultadu koresaun ne’ebe halo iha 3-9 julho 2024 husi ekipa,DNEE observa mos husi parte Provedoria Direitus Umanos no Justisa (PDHJ) hatudu rezultadu, husi munisipiu, Aileu total 3481 ,excellente 1, very good 122 ,good 699, suffisiente 625, poor 1071 ,very poor 349, aplikante sira ne’ebe la tuir teste escrita parte DNEE esklui ona husi sistema rejistu vaga online PALM”.

Enkuantu Sekretariu Estadu Formasaun Profisional no Emprego liu husi Diresaun Nasional Empregu Estrangeiru kontinua nafatin enkoraja kandidatu ne’ebe kategoria sufisiente atu bele partisipa ativu iha formasaun lian Inglés sira ne’ebe SEFOPE prepara ona iha Munisipiu 13 inklui Região Administrativa Espesiál Oe-cusse Ambenu (RAEOA).

Enkuantu, total númeru aplikante ne’ebe kategoria sufisiente, good. very good, very poor no excellente ne’ebe, Diresaun Nasional Empregu Estrangeiru, DNEE publika iha pagina SEFOPE nian hamutuk 42.464

Jornalista : Juvita Guterres & Dircia Belo