SEFOPE Despede Tan Traballador 58, Inklui Feto Rua

Imajem : Traballador Timor Oan hamutuk 58 ne’ebe sei ba preparadu hodi ba servisu iha Korea Sul, iha salaun Timor Lodge (03/05/2024).

SAPNews TL, Díli – Sekretariu Estadu Formasaun Profesionàl no Empregu (SEFOPE sigla Portugués), sei haruka tan, Traballador Timoroan feto rua (2) no mane 56 aranka ba nasaun Corea iha loron Domingu no Segunda, Fulan Maio tinan ne’e,

Diretor Diresaun Nasionál Empregu Exterior (DNEE sigla Portugués) João Korea Pereira hateten, Sekretario Estadu Formasaun Profesionàl no Empregu (SEFOPE), selebra akordu ida ne’e hanesan, kustume ida ne’ebe Governu Timor-Leste hala’o kada tinan hodi despede maluk trabalhador Timoroan sira ne’ebe hetan kontratu husi empregador hodi ba servisu iha nasaun Australia, Corea no Japaun.

“Governu iha programa simples oinsa atu fo honoin maluk traballadores,Timoroan sira ne’ebe pasa ona selesaun, agora ita haruka ona traballadores sira ba servisu iha Corea, tinan 2024 númeru traballador kontinua aumenta ba 392, entaun SEFOPE, rejistu traballadores 56 mak agrora Rentry. Husi fulan janeiru to’o Marçu numeru as 50 ona sira ne’e Rentry sira ne’ebe jeral nain 342 trabalhadores tinan ida ne’e estado haruka ona ba servisu iha Corea sa’e to’o 400 traballadores”.Dehan Diretor (DNEE) Joao Korea Pereira ba Jornalista sira iha salaun Timor Lodge (03/05/2024)

Nia fundamenta, traballadores sira hamutuk nain 58 mak sei aranka iha domingo no segunda, sira iha jeral nain 53 traballadores Rentry nain lima (5) traballadores peskas nain 15 no fabrika 38 traballadores fabrika maioria mane, feto iha nain rua 2 feto ba servisu iha Corea ne’e uniku tanba servisu iha Corea feto nunka iha empregador sira hili liu mane sira, feto sira iha fabrika iha numeru feto ida deit iha tinan kotuk.

Enkuantu Xefe Gavinete, Jacinto Ribeiro Dias afirma, nasaun Timor Leste estabelese ona dekreitu lei ida ho nia funsaun atu Governu bele kopera ho nasaun sira hanesan Australia, Corea no Japaun, ne’ebe kada tinan Governu liu husi Sekretario Estadu Formasaun Profesionàl no Empregu haruka, Timoroan sira ba servisu hodi responde ba ekonomia familiar, Tenik nia.

“Trabalhadores, sira hetan kontratu husi empregador sira tamba faktor rua (2) ne’ebe importante tebes, Nasaun nia nesesidade no familia nia nesesidade ita iha dekretu lei kada nasaun, ita tenke ligasaun ho traballadores sira tanba ita nia ema ba iha ema nia, Rai hanesan sidadaun Timor iha ema nia rai, ita akordu ligasaun entre nasaun sira ne’ebe halo rekrutamentu ba serbisu nain sira, nafatin moris ho sistema ne’ebe mak nasaun sira asina entre Timor-Leste ho Corea”.

Xefe Gavinete ne’e haktuir, Timor-Leste estabelesemento ona programa rihun lima nulu-resin haat, ho nune’e ohin loron Governu kontinua selebra tan akordu ho traballador 58 Timor oan lubuk ona iha Corea feto nain 110 ne’ebe mak servisu ona iha Corea.

 

Agora kontinua koloka tan maluk servisu nain sira ba area fabrika no peskas, importante sira bele servisu tuir sistema, kolabora ho embaixador Timor iha Corea hakbesik a’an ba maluk sira ne’ebe senoir iha ema nia rai, atu nune’e bele tulun maluk sira komprende ambiente, Nia salienta.

“Ita iha ona rihun ida resin iha hela kontrolu balun, ita lori fila ona i balun mos lori fila fali ona husi ema nia Rai atu buka dalan aprende no komprende, atu nune’e labele rende iha ema nia Rai, imi Timor fila fali mai Timor nafatin aprende no komprende fila fali mai kuu osan ba ho sistema mai ho sistema”.

Enkuantu, Diresaun Nasionál Empregu Exterior (DNEE), SEFOPE rejistu numeru traballadores Timoroan ne’ebe ba servisu iha Corea, husi fulan janeiru to’o fulan Marçu tinan ne’e hamutuk 400, husi numeru ne’e iha loron lima (5) to’o loron neen (6), fulan Maio tinan ne’e, traballador 58 mak sei aranka ba nasaun korea kompostu husi traballador mane 56 no feto rua (2).

Jornalista : Ermelinda Soares