SEFOPE Konsidera Programa Mobilidade Laboral Lori Mudansa Ba Kresimentu Ekonomia
Imajem Intervista Diretór Jerál SEFOPE Paulo Dias, iha Suai Room Timor Plaza Comoro, Dili. tersa 21/02/2023
SAPNewsTL, Dili: Sekretariu Estadu Formasaun Profesional no Empregu (SEFOPE) realiza workshop ne’ebé ko’alia kona ba kresimentu ekonomia nasaun Timor-Leste (TL) nian liu husi osan ne’ebé traballador Timoroan sira hatama mai husi Australia no Korea Sul, Enkuantu, SEFOPE konsidera Programa haruka Timor oan ba servisu iha rai-liur lori mudansa ba ekonomia Timor Leste nian
“Workshop ne’e organiza hosi DNEE- pasific level fasility (PLF) nian ne’ebe ita hala’o tolu mak fó formasaun ba diretór sentru formasaun sira ho liña ministériu sira ne’ebé mak relevante, ko’alia kona-ba partisipasaun feto ba programa mobilidade laboral, nune’e hasa’e taxa partisipasaun feto nian hodi feto mós tenki partisipa maximu iha programa mobilidade laboral nian, ko’alia kona-ba benefísiu ekonomia mai Timor-Leste no ko’alia mos reintegrasaun ne’e politika ne’ebé importante tebes”, hatete Diretór Jerál SEFOPE Paulo Dias ba jornalista sira iha Suai Room Timor Plaza Comoro, Dili tersa 21/02/2023
Diretor hatutan, Workshop loron tolu ne’e importante tebes ba funsionariu sira iha SEFOPE no sentru formasaun sira, nune’e kontribui ba joven feto sira hodi partisipa iha programa refere, tinan 2012 programa partisipasaun feto iha Timor la’o di’ak kuaze 40%, depois muda tiha programa ne’e PLS PALM ho politika foun entaun partisipasaun feto 29% ba servisu iha Austrália, sira halo peskiza ba Timoroan sira ne’ebé servisu iha austrália fila mai Timor identifika katak Kuaze ema 1.500 halo uma iha Timor liu husi programa partisipa laboral, ne’e hatudu katak ekonomika iha mudansa duni.
Nia infoma, Korea do sul nian orsamentu ne’ebé tama iha banku tinan 2022 nian totál traballadór ne’ebé haruka ba 1.160, depois traballadór sira halo investimentu kuaze 850,000 USD liu husi programa FDCH fasilita programa lian korea, maibé tinan 2022 traballadór sira hatama osan fila fali mai hosi Korea kuaze dollar amerikanu millaun 11, Austrália nian sedauk halo investimentu maibé dadus hosi Austrália hatama osan mai iha Timor Kuaze dollar amerikanu 60 millian, dadaun ne’e sira halo planu ba departamentu merkadu traballu nune’e halo peskiza ba traballadór sira ne’ebé ba servisu iha korea do sul, no Austrália servisu remata ona.
Iha Fatin hanesan Diretór DNEE, Filomeno Soares informa katak “dadus husi vaga foun tinan 2022 nian, mobilidade halo ba Korea Sul nian 1.160 kompara ba tinan hirak liu ba ne’e, tinan ida ne’e bo’ot liu, traballadór Austrália kuaze 3000 mak manda ba Austrália,daudaun ne’e iha hela sistema word quir the full, tuir selesaun ne’ebé halo entre munisipiu 12 inklui RAEOA , dadus total iha sistema hamutuk 15 mill. maibé konsege mobiliza ona traballadór 4,000 ba servisu iha Austrália, maibé ko’alia kona-ba mobilidade entaun hahú hosi 2012 – 2022, kuaze hosi traballadór ne’ebé mak hetan oportunidade ba dala-rua”.nia informa
Filomeno akresenta, kuaze ema 7,000 mak tama ona ba servisu iha Autrália signifika katak ema ida bele hetan oportunidade ba dala-rua mak ko’alia aplikasaun ba ida ne’e, traballadór ne’ebé mak sei servisu iha Austrália kuaze 4,000.
Iha sorin seluk Vise Embaixador Australia Suzy Wilson dehan, “mobilidade laboral ne’e importante ba Australia ho trabllador Timor-Leste iha ekonomia rai laran ba nesesidade hodi diversifika ekonomia tanba kada tinan timoroan rihun 30 tama ba iha idade servisu barak husi sira mak ba hetan servisu iha Australia, mobilidade laboral bele responde ba juventude dezempregu iha Timor-Leste fo rendimentu ba estadu Timor-Leste”.nia haktuir
Embaixador afirma, haruka trabalhador ba rai liur laos solusaun diak ida maibe bele responde ba problema sosial ne’ebe mak agora hasoru dadaun iha Timor tanba esforsu SEFOPE ne’ebe mak iha ona programa ne’e uniku tebes inklui mos ba maluk sira iha Korea Sul ne’ebe fo mos benefisiu kontribui ba ekonomia Timor-Leste, iha futuru trablhador fila lori abilidade foun mai Timor-Leste.
Jornalista : Ermelinda Soares