SEI & SEKOOP Kompromete Asegura Prátika Igualdade Jéneru
Imajem : Sekretaria Estadu Igualdade Elvina de Sousa iha edifisiu SEKOOP Dili, 11/02/2025.
SAPNewsTL, Dili – Asegura investimentu ba promosaun igualdade, Sekretáriu Estadu Igualidade (SEI) Elvina de Sousa hamutuk ho Sekretariu Estadu Kooprativa (SEKOOP) Arsenio Pereira halo komprimisiu serbisu.
Tuir Sekretáriu Estadu Igualidade Elvina de Sousa hatenen SEKOOP hanesan instituisaun ne’ebe sensivel iha implementasaun polítika ba jéneru tanba ne’e SEI hamutuk ho SEKOOP ko’alia kona-ba asume responsabilidade igualidade jéneru.
“SEKOOP nu’udar sekretáriu estadu ka instituisaun ida ne’ebé sensivel tebes ba implementasaun polítika ka kompremisiu jeneru, komprimisiu ne’ebé SEKOOP iha atu kumpri ho observasaun ne’ebe mak sira fo hodi deskobre katak liu husi enkontru ne’e ita hatene katak iha membru kooperativa barak mak feto no sira halo atividade ne’ebé di’ak tebes ho susesu”.Dehan Sekretáriu Estadu Igualidade Elvina de Sousa, ba jornalista sira iha edifisiu SEKOOP, 11/02/2025.
Nia haktuir, SEI iha kompremimisiu ho sekretariu estadu cooperativa no liña ministerias sira atu asegura promosaun ba igualidade de jeneru
“SEKOOP kompremitidu atu implementa komprimisiu jéneru ne’ebe hanesan ohin sekretariu estadu deklarasaun ofisiál, iha komprimisiu atu halo investimentu ba komisaun igualidade inkluzaun nian, iha instituisaun laran no mós asegura investimentu ba promosaun igualidade”.Nia informa
SEI afirma Iha diskusaun SEKOOP hato’o rekomendasun barak hodi investe ba promosaun igualidade inkluzaun liu-liu ba planu asaun anual no mós investe ba promosaun igualidade hodi hamenus desigualidade liu husi investimentu orsamentu ne’ebé sensivel ba jéneru.
Iha fatin hanesan, Sekretáriu Estadu Kooperativa (SEKOOP) Arsenio Pereira hateten sira iha komprimisiu hamutuk ho SEI atu implementa promosaun igualidade jeneru.
“Ami komprimitidu tanba bainhira asina deklarasaun hanesan komprimisiu servisu ho SEI katak membru sira diresaun no asesor sira hotu atu konsidera nafatin rekomendasun sira ne’e kona-ba igualidade jéneru”Nia afirma
Jornalista : Marcela Mery da Costa
