Sente Sai Vítima ! Topoldana Keixa PCIC, PNTL & MP Ba PDHJ

Imajem : Líder ICC-TL Afonso Maurecy Topoldana iha Díli, 29/01/2026.

SAPNews Pro, Dili – Lideransa Igreja Katólica Karismatika Timor-Leste (ICC-TL) keixa Polisia Nasional Timor-Leste (PNTL) Polisia Sientifika Investigasaun Kriminal (PCIC) no Ministério Público (MP) ba Provedor dos Direitos Humanos e Justiça (PDHJ) hodi prosesa kazu buska no kapturasaun ba líder ICC-TL sira iha tinan 2024 no 2025 tanba nia parte sente sai vítima.

‎
‎Responsavel Maxima Igreja Católica Carismática Timor-Leste (ICC-TL) Afonso Manuel Maurecy Topoldana lamenta ba Ministeriu Públiku duun matak no laiha evidênsia ruma ba mandadu buska no kapturasaun ba membru ICC-TL.
‎
‎”Sira duun ami dehan halo krimi organizadu hodi halo buska no kapturasaun, lori ami ba Polísia hodi prosesu ne’e to’o ona iha Ministeriu Públiku maibé sira trava hela, nune’e ami keixa iha PDHJ hodi haree tok kazu ne’e loos duni ka lae? Tanba ha’u sai vítima”. Dehan Responsavel Maxima ICC-TL Afonso Manuel Maurecy Topoldana iha nia rezidensia Faról Dili, 29/01/2026
‎
‎Topoldana mós haktuir nia parte halo ona keixa ba PDHJ hodi haree verasidade hosi kapturasaun hasoru liderança ICC-TL.

‎”PDHJ simu ona ami-nia deklarasaun atu hala’o investigasaun Ministeriu Públiku hodi hatene nia kauza loloos, durante ne’e ami la halo krimi hasoru estadu maibé ICC-TL implementa Konvensaun Direitu Umanu Internasionál rezolusaun 217 artigu 18 dehan katak “Liberdade Religioso em tudo mundo interno e a liberdade culto”. Tenik nia
‎
Topoldana hatutan, “‎Ami sei hala’o ami-nia misaun sagradu ida ne’e la’os tur hein maibé ami movimentu nafatin ami-nia misaun ne’e hodi hein prosesu sira tuir mai ne’e la’o oinsá”. Nia sublina

Líder ICC-TL Afonso Mauresi Topoldana akresenta ICC-TL hato’o keixa iha PDHJ tanba sira ba buska hodi halo kapturasaun iha dia 11 Abril iha tinan 2025, kazu refere sei pendente hela iha Ministériu Públiku.

“Kazu kona-ba buska sasan ICC-TL nian tanba ne’e ohin ami mai iha PDHJ atu hatene kona- ba kazu ne’ebe iha tinan rua ba kotuk iha 2024 no 2025 nian buska sasan ICC-TL nian, ami mos atu atu halo konfirmasaun iha Ministériu Públiku koba-ba prosesu hirak ne’e la’o ona klae. kazu rua ne’e ida ikus ami hatama iha fulan dezembru no ohin ami simu ona rezultadu”. Dehan nia

“Kazu ne’ebe ami keixa ne’e laos kazu ki’ik, maibe kazu ne’ebe boot tebes, tanba ne’e mak ICC-TL lori mai PDHJ, sira dun ami dehan kriminozu no halo krime organizadu, maibe ikus mai ami ida krime ne’e mak sai fali vitima, tan ne’e ami keixa kazu ida ne’e iha PDHJ”. Teni nia

ICC-TL nafatin la’o ba oin, se Ministériu Públiku taka kazu ida ne’e, membru ICC-TL sei kontinua la’o ho esperansa hodi habelar liu tan iha teritoriu nasional.