Sofre Moras Defisiênsia Fizíka, Sebastião Sobrevive Ho Servisu Agrigultor

Imagen: Sebatião Fuli iha nia rezisténsia RAEOA, 09/11/2025

SAPNewsTL, RAEOA : Ema ho Defisiênsia (EhD) Fizika, Sebastião Fuli moris ho kondisaun moras fízika ne’ebé labele halo servisu todan iha tinan naruk, halerik no husu tulun ba sosiedade liu-liu autoridade lokal sira, nune’e nia sobrevive ho serviçu agrikultor liu hosi halo to’os, no hakiak animal hodi sustenta família.

Marciana da Conceição – SAPNewsTL

Sebastião Fuli sente triste tanba ho nia kondisaun ne’ebe limita nia hodi la halo servisu todan, maibe laiha ema ida maka apoiu nia hodi sustenta nia familia.

“Ha’u sente triste tamba durante ne’e seidauk hetan apoiu hosi parte ne’ebé de’it, liu-liu parte autoridade la tau matan ho ajudus balun hodi sustenta ha’u-nia moris hamutuk ho familia”. Dehan Sebastião Fuli iha nia rezisténsia RAEOA, 09/11/2025.

Ho nia kondisaun ne’ebe la estável la sai sasukat hodi nafatin hala’o nia responsabilidade nu’udar xefe familia liu hosi halo to’os, hakiak manu no atividade sira seluk hodi hetan osan sustenta família.

“Ha’u esfosu maske ho kondisaun difisiente, tanba iha responsabilidade ne’ebé bo’ot atu sustenta familia liu-liu oinsa atu ha’u-nia oan sira nafatin kontinua nia estudu hodi hetan futuru ida ne’ebé diak liu”.

Sebastião Fuli ho idade 54 hetan kondisaun ne’ebe difisiente fízika maibe nafatin esforsu hodi apoia nia oan sira hodi kontinua estudu iha nivel ensinu superior no sekundaria.

“Ha’u ho ha’u-nia kaben Modesta Colo ho oan hamutuk nain haat (4) maske ho kondisaun defisiente ne’ebé la permite atu halo servisu todan, maibe ho meius oioin ha’u nafatin esforsu hodi fo eskola oan sira”.

“Oan ida eskola iha Universidade da Paz, eskola sekudáriu Rainha da Paz Dili, ida akaba deit terseiru siklu no la kontinua estudu no ida dadauk ne’e terseiru siklu no tuir ona ezame Nasional tinan 2025”.

Sebastião Fuli Ema ho Defisiênsia ho idade 54 husi Rejiaun Administrativu Espesial Oe-Cusse Ambeno (RAEOA), Sub-região Nitibe, suku Lela-ufe no aldeia Mahata, hamutuk ho nia espoza no oan nain haat (4) hela iha uma ne’ebé ho kondisaun la dignu.

Sebastião Fuli ninia identidade mak tuir mai ne’e :
Naran. : Sebatião Fuli
Sexo : Mane
Loron moris. : 12/01/1971
Idade. : 54
Aldeia : Mahata
Suku. : Lela-ufe
Postu. : Nitibe
Munísiplu. : RAEOA

oecusse raeoa timorleste mssi sosial