Telkomcel Apoia SAPNews & Imprime Revista Vizita Papa Francisco
Imajem : Presidente Mídia SAPNews Clementino Bragança Machado simu presente aifunan hosi representante Telkomcel iha Salaun ISC Balide, 26/02/2025.
SAPNewsTL, Dili : Mídia SAPNewsTL agradese ba operador telekomunikasaun Telkomcel tanba bele apoia imprime revista visita Papa Francisco no lori prezente aifunan ba mídia SAPNews iha ámbitu aniversáriu datoluk.
Iha mensagem eskrita, CEO Telkomcel kongratula Mídia SAPNews no husu atu kontinua sai mídia ne’ebe imparsial hodi sai matan no tilun ba lian laek sira.
“Família boot telkomcel hato’o ksolok ba loron aniversáriu ba mídia SAP News, susesu nafatin sai matan no tilun ba ema lian laek sira, sai média imparsial iha Timor-Leste”. Hakerek CEO Telkomcel Benedictus Ardiyanto Priyo, Díli, 26/02/2025.
Mensagem : Telkomcel
Iha diskursu, Presidente SAP News Clementino Bragança Machado fo agradese ba Telkomcel tanba bele apoia aniversáriu datoluk mídia SAPNews, imprime revista visita Papa Francisco no lori prezente aifunan ba partisipa aniversáriu SAPNews
“Agradese no obrigadu barak ba operador Telkomcel liliu CEO Telkomcel Benedictus Ardiyanto Priyo tanba bele suporta SAPNews no imprime revista visita Papa Francisco ne’ebe hakerek hosi SAPNews, Maromak fo bensa ba ita nia servisu hotu ho diak no susesu”. Hateten Presidente SAP News Clementino Bragança Machado
Revista visita Papa Francisco refere lansa oficialmente hosi Eis Primeiru Ministru Marí Alkatiri, Secretario Estado Comunicação Social Expedito Dias Ximenes, Presidente Konsellu Imprensa Otelio Ote no konvidadu sira.
Jornalista : Marciana da Conceição
