Timor Leste Lakon Heroi Nasionál Tenente Koronel Deolindo “SARAI” Tanba Sofre Tensaun
SAPNewsTL, Dili : Aswa’in Funu Na’in Tenente Koronel, Komandante Deolindo da Costa Amaral Alias Sarai, Hakotu Nia Peregrinasaun Iha Mundu, tanba sofre tensaun no moras iha Ulun Durante Semana rua resin, Komandante Sarai hetan atakasaun iha Loron 28 Fulan Abril tinan 2023
Tuir Informasaun ne’ebé SAP News TL asesu liu husi Família haktuir katak Saúdozu Deolindo da Costa Amaral sofre tensaun no moras iha Ulun, durante hetan moras ne’e Familia Konsege kura no lori ba hospital Nasionàl Guido Valadares Dili hodi halo tratamentu Maibé, infelizmente To’o ohin Loraik ida ne’e Maiz ou Menuz tuku 5:30 PM, Saúdozu Deolindo Sarai Hakotu Iis no Maromak bolu hikas ona nia ba Maromak Nia Kadunan Santu
Saúdozu Aswa’in Funu Na’in Deolindo da Costa Amaral “Sarai” Moris Iha Áldeia Abere, Suku Luro, Postu Administrativu Luro, Munisípiu Lautém, iha Loron 27 Fulan Outobru 1962, Saúdozu Deolindo halai ba ailaran iha tempu funu nia laran wainhira nia Sei idade Foinsa’e, Deolindo Halai ba ai-laran hodi Luta, Terus, Susar Iha ai-laran, Halo dedikasaun, Sakrifisiu to’o hetan ukun Rasik an Hamutuk ho nia Maluk sira
Durante, Ukun Rasik an Saúdozu Deolindo da Costa Amaral “Sarai” sai Membru FALINTIL Forsa Defeza de Timor Leste (F-FDTL), Eis Komandante no Segundu Komandante Unidade Apoiu Servisu (UAS) Metinaru
Moris Mai Mundu, Ema ida-idak halo nia Istória iha ida-idak nia tempu no Fatin, Moris ne’ebé Nakonu ho Istória furak no pinta ho Ran no kosar Ween, Ikus Mai Konkista Vitoria ida ba Liberdade Ema barak nian, Saúdozu Deolindo dos Santos Sarai hatudu iha nia Moris liu husi nia Missaun Hánesan FALINTIL – Forsa Defeza de Timor Leste, Servisu Ne’ebe Nakonu ho determinasaun, dedikasaun no Abnegasaun To’o Minutu Ikus, Maromak Bolu hikas ba nia
Saúdozu Deolindo da Costa Amaral “Sarai”, Hakmatek Iha Maromak Nia Kadunan Santu iha Lalehan Leten Aas Liu, Ba Hamutuk Ho Maromak, La’o Ho Maromak no Hela ho Maromak hamutuk ho Maluk Funu Na’in Sira Hotu Ne’ebe agora daudaun iha Ona nai maromak nia poder santu iha reinu Lalehan, Adeus Herói Nasionàl, Boa Viajem no até um dia.
Enkuantu, Mate isin Saúdozu Deolindo da Costa Amaral Sarai Agora iha ona Matebean Nia Rezidensia iha Metinaru hodi kontinua nia prosesu fúnebre Tuir kultura no tradisaun Familia nian, Tuir Planu Aban sei iha Matebean Nia Rezidensia no família sei Selebra missa Agradesimentu ba saúdozu iha Tuku 10 :00, Igreja Kapela Metinaru, 17 Maiu 2023, Hafoin sei transporta ba Postu Administrativu Luro, Munisípiu Lautém
Jornalista: Luis Pailofo