Tinan 2025, Estudante Asesu UNTL & IPB Hamutuk 5.749
Imajem : Ezekutivu MESSK, UNTL & IPB hala’o sorumutu ba anunsiu lista estudante asesu UNTL no IPB iha Salaun MESSK Caikoli Dili, 31/01/2025. Foto : Média UNTL
SAPNewsTL, Dili : Ministériu Ensinu Superior Siénsia no Kultura (MESSK) hamutuk ho Universidade Nacional Timor Lorosa’e (UNTL) no Instituto Politécnico Betano – IPB fo sai ona ba públiku rezultadu admitidu estudante foun hamutuk rihun lima atus hitu haatnulu resin sia (5.749).
Tuir informasaun ne’ebé SAPNews liu hosi Pajina Ofisial UNTL haktuir katak MESSK, UNTL no IPB anunsia ona ba públiku rezultadu final estudante ne’ebé sei asesu ba UNTL no IPB iha tinan 2025 hamutuk 5.749.
“Tinan 2025 ne’e estudante ne’ebé asesu ba ensinu superior UNTL ho total rihun lima atus rua sanulu resin ida (5.211) no IPB hamutuk atus-lima tolunulu resin ualu (538)”. Sita husi Media Ofiser UNTL Laurindo da Cruz Gomes iha pajina ofisial UNTL, Dili,31/01/2025. SAPNews screenshoot
UNTL & IPB serbisu hamutuk ho Ministériu Ensinu Supérior, Siénsia no Kultura, liuhusi Komisaun Assesu Ensinu Supérior (Sigla portugés, CAES), anúnsiu rezultadu finál lista kandidatura sira ne’ebé mak admitidu atu asesu ba Instituisaun Ensinu Supérior UNTL hamutuk na’in-5.211 no IPB hamutuk na’in-538 no total jeral hamutuk 5.749 iha tinan akademiku 2025
Imagem : Scan Iha QRCODE asesu lista UNTL & IPB 2025
Bele dowload rezultadu finál file pdf iha link ne’e :
https://drive.google.com/file/d/10WRNV1KQXA5NDv98wvHDopTlNP9icVob/view?usp=drivesdk
Bele mós asesu liu hosi scan QRCODE atu bele dowload file pdf ka bele kontaktu ba nomor WhatsApp SAP News TL liu hosi +67075174566 hosi hetan lista kompletu.
Bele asesu mós lista estudante admitidu asesu UNTL & IPB ba tinan akadémiku 2025 liuhusi Website hanesan :
1. Website Universidade Nacional Timor Lorsa’e (UNTL) www.untl.edu.tl
2. Website Ministeriu Ensinu Superior Siénsia no Kultura, (MESSK), http://mescc.gov.tl
3. Website Intitutu Politékniku de Betano (IPB), www.ipb.edu.tl
4. Pájina Facebook UNTL, MESSK & PB
Enkuantu, kandidatu estudante asesu UNTL sei haree avizu ba inskrisaun iha loron kuarta-feira, 01 Janeiru 2025 iha Diresaun Nasional Atendimentu Estudante iha kampus sentral UNTL no hatudu lista númeru ordem publikasaun.
Estudante asesu IPB sei hahú hala’o inskrisaun iha loron kuarta-feira 05-14 Fevereiru 2025, iha Diresaun Nasional Administrasaun, Académiku, Estudantil no IT Instituto Politécnico Betano – IPB Same-Manufahi ho dokumentu identifikasaun.
Jornalista : Marciana da Conceição
