Tinan Ne’e, Governu Apoia $ 15 Miliaun Ba Igreja Katólika
SAPNewsTL, Dili – Governu kontinua fó apoiu osan millaun $15 bá uma Kreda katolika iha Timor Leste, liu husi asina akordo subvensaun anual ho Conferensia Episcopal Timorense, (CET).
IX Governu Konstitusional liu husi Gabinete Apoiu Servisu Sosiedade Sivil (GASS), ne’ebé reprejenta husi Vice-Primeiro Ministro, Ministro Coordenador dos Assuntos Sociais, Eng. Mariano ASSANAMI Sabino, asina akordu subvensaun annual ho Conferencia Episcopal Timorense (CET), ne’ebé reprejenta husi Arsebispu ba Arkedioseze Metropolitana Dili, Dom Virgilio Cardeal do Carmo da Silva, SDB.
“Ohin, Conferencia Episcopal Timorense (CET) no Governu prejenta husi Vice-Primeiro Ministro, Eng. Mariano ASSANAMI Sabino, ami asina akordu ho osan hamutuk tokon $15, bazeia ba konkordata internasional ne’ebé asina ona entre Estadu Vatikano ho Estadu Timorense, atu implementa iha akordu kuadru mai kada tinan 5, no tau nia prinsipiu jerais katak tinan-tinan governu ne’ebé mai ami sempre renova akordu ida ne’e,” Dehan, Dom Virgilio, Cardeal do Carmo da Silva, SDB iha Palasiu, Governu, Quinta (15/02/2024), SAPNews Timor-Leste asesu liu husi pajina Facebook Vice-Primeiru Ministru publika.
Dom Virgilio, fundamenta, Governu atribui orsamentu subvensaun públiku ba CET bazeia ba konkordata ne’ebé asina ona iha loron 14 fulan-Agusto, 2015, entre Estadu Timor-Leste no Santa Sé, ne’ebé hatur kuadru juridiku kona-ba relasaun bilateral sira entre estadu rua ne’e no akordu kuadru ne’ebé asina ona iha loron 16 fulan-Jullu 2017 entre Governu Timor-Leste ho CET.
“Orsamentu subvensaun ne’e sei aloka bá, Dioseze Dili, Baucau no Maliana ne’ebe pertense ba uma kreta katolika iha nasaun Timor-Leste hodi hala’o atividade sira ho karakter social, edukativu, no servisu Governu eklezial. Ezekusaun orsamentu subvensaun ne’e igreza katolika iha responsabilidade nune’e kada tinan sempre submete relatoriu ezekusaun ba governu”
Tenik Arsebispu ba Arkedioseze Metropolitana Dili, Dom Virgilio Cardeal do Carmo da Silva, SDB, tinan-tinan Uma Kreda Katolika selebra akordu annual ne’ebe hatur iha akordu internasional ida ne’ebe uma kreda hanaran konkordata entre estadu vatikadu ho estadu Timor-Leste hodi implementa akordu refere
Iha fatin hanesan, Vice-Primeiro Ministro, Ministro Coordenador dos Assuntos Sociais, Eng. Mariano ASSANAMI Sabino, hatete, orsamentu ne’ebé governu aloka ba Igreza Katolika ne’e bazeia ba akordu ne’ebé iha ona, ohin IX Governu fó kontinuidade ba akordu ida ne’ebé Santa Sé asina ona.
Governu ne’ebé Primeiru-Ministru, Kay Rala Xanana Gusmão lidera ne’e fó importansia katak, edukasaun ne’e importante ba sosiedade Timorense iha futuru.
“Nonu Governu Konstitusional nafatin fó importansia katak, edukasaun ne’e prioridade no importante ba sosiedade Timor oan iha futuru, tanba ne’e ami fó apoiu total ba atividade igreza katolika iha Timor,” dehan VPM.
Vise-Primeiru Ministru informa liután, Governu la’os apoiu de’it ba Igreja katolika, maibé apoiu mós ba relijiaun seluk no sosiedade sivil sira liu husi Gabinete Apoiu Sosiedade Sivil.
Akordu subvensaun públika ne’e, bazeia bá akordu ne’ebe asina ona iha loron 14 fulan-Agusto, 2015, entre Estadu Timor-Leste no Santa Sé.
Reportagem : Gulhermino da Cruz Ramos