To’o Filipina ! GNI Apresenta Arnei Teves Ba Públiku
Imajem : Arnolfo Arnei Teves Jr iha Filipina, 30/05/2025. Foto : News5
SAP News TL Filipina : Hafoin Governu Timor-Leste deporta Arnie Teves Jr husi Díli iha loron 29 Maiu, Diretór Gabinete Nasionál Investigasaun (GNI) Jaime Santiago apresenta Eis Representante Distritu 3 Negros Oriental ne’e perante povu filipinu.
Marciana da Conceição – SAPNews – Fontes : News5
Tuir informasaun ne’ebe SAPNews asesu liu hosi Média News5 haktuir katak “Gabinete Nasionál Investigasaun aprezenta eis Reprezentante Distritu 3 Negros Orientál Arnolfo “Arnie” Teves hafoin nia deportasaun husi Timor-Leste”. Filipina, 30/05/2025. Sita News5
Diretór Gabinete Nasionál Investigasaun nian Jaime Santiago aprezenta fujitivu ne’ebé hetan kaer no eis-Reprezentante Orientál Negros Arnie Teves, alegadu mestre iha kotuk oho eis-Governadór Roel Degamo, durante konferénsia imprensa iha Sidade Pasay.
Teves hetan kapturasaun iha Timor-Leste iha loron 27 Maiu hafoin subar tinan barak. Nia hasoru akuzasaun oioin, inklui omisídiu iha ligasaun ho asasinatu 2023 nian ba Degamo no ema na’in 10 seluk, no oho ema na’in tolu iha 2019. Nia hetan espulsaun hosi Kámara Reprezentante sira nian iha Agostu 2023, no depois hetan dezignasaun nu’udar terorista hosi Konsellu Anti-Terorizmu.
Imagem : Marcos Ferdinand, President Philippines
Antes ne’e, Presidente Filipina Marcos Ferdinand deklara Eis Reprezentante Arnie Teves Jr fila fali ba Filipina tanba Timor-Leste prontu haruka no hetan servisu makaas husi Primeiru Ministru Kay Rala Xanana Gusmão no Presidente Repúblika José Ramos Horta.
“Eis Reprezentante Arnie Teves Jr oras ne’e fila fali ona mai Filipina, ha’u hetan informasaun kona-ba dezenvolvimentu ne’e husi Primeiru Ministru Gusmão durante reuniaun ASEAN ne’ebé ha’u foin fila husi Kuala Lumpur”.
“Timor Leste prontu atu haruka Teves fila fali ba Filipina. Entaun ida ne’e sei la akontese bainhira laiha asisténsia husi Prezidente Horta no Primeiru Ministru Xanana Gusmão husi Timor-Leste”.
“Sira serbisu maka’as tebes atu lori ida-ne’e ba konkluzaun ida tanba ita hatene katak eis-kongresista Arnie Teves hasoru hela akuzasaun sira ba omisídiu no krime sira seluk relasiona ho oho emboskada ba eis-Governadór Digamo”. Informa Presidente Filipina Marcos Ferdinand iha Filipina, 29/05/2025
Presidente Filipina ne’e dehan sidadaun Arnie Teves Jr tempu ona atu hasoru justiça.
“Ami hakarak mós atu garante ba ami nia sidadaun sira hotu katak hahalok la tuir lei hanesan ne’e sei la hetan kastigu no agora to’o ona tempu ba Arnie Davis atu hasoru justisa”. Nia afirma
Sidadaun Arnie Teves Jr hetan akuzasaun kriminál oioin iha Filipinas, inklui akuzasaun omisídiu hamutuk 13, tentativa omisídiu 13 no omisídiu frustradu 4, relasiona ho krime sira ne’ebé komete entre tinan 2019 no 2023, inklui asasinatu ba Governadór Negros Orientál, Roel Degamo, iha tempu ne’ebá.