Trimestre Datoluk ! Pagamentu Pensaun Sosial Baukau Benefisiáriu Hamutuk 15.063
Imajem : Koordenador INSS Munisípiu Baukau Gil Ximenes iha Baukau,24/09/2024.
SAPNewsTL, Baukau : Koordenador Institutu Nasionál Seguransa Sosial (INSS) Gil Ximenes Gusmão informa durante semana ida hahú husi loron 20-27 Setembru ba benefisiáriu subsídiu pensaun sosial hamutuk 15.063 iha munisípiu Baukau.
Rejime Naun Kontribuitiva ka pensaun sosial mak daudaun ne’e deskonsentra uluk ona iha munisípiu Baucau, Servisu ida ne’e funsiona haree liu ba pensaun sosial ka vellise no invalides ne’ebe próteze idozu no ema ho nesesidade espesial ho kondisaun inkapasidade konforme lei hateten.
Koordenador INSS Munisípiu Baukau Gil Ximenes Gusmão informa pagamentu ba benefisiáriu pensaun sosial iha Baukau hahú husi loron 20-27 Setembru 2024 ba benefisiáriu hamutuk 15.063.
“INSS-MBCU servisu hamutuk ho BNCTL halo pagamentu kada trimestre ba pensaun sosial, daudaun tama ba faze III ka trimestre datoluk tinan 2024 nian sei hahu hosi dia 20 Setembru 2024 to’o 27 Setembru 2024”.
“Konforme orariu ne’ebé BNCTL hatur katak benefisiariu ne’ebe sei asesu ba subsidiu pensaun sosial iha munisipiu Baucau hamutuk 15.063 kompostu hosi vellise/idozu hamutuk 13.384 no Invalides ka ema ho difisiensia hamutuk 1679”. Koordenador INSS Munisípiu Baukau Gil Ximenes informa ba SAPNews iha Baukau,24/09/2024.
Koordenador INSS Munisípiu Baukau Gil Ximenes fundamenta subsídiu pensaun sosial ne’e leno an ba konvensaun internasional DUDH, K-RDTL no lei oan sira ne’ebé estadu Timor-Leste adopta desde ukun an.
“Deklarasaun Universal Direitu Humanu (DUDH) 1948 Artigu 22, Direitu sosial. Konstiruisaun Repúblika Demokrátika Timor-Leste (K-RDTL) Artigu 6, Objetivu Estadu no K-RDTL Artigu 56, kona ba Seguransa no tulun sosial, Dekretu-Lei Nº 8/2024 de 24 de Janeiro, Primeiru alterasaun ba Dekretu-Lei Nº 53/2022, de 20 de Julho, “aprova rejime juridiku ba pensaun sosial vellise no invalides”, la haluha mos Objetivu Dezenvolvimentu Sustentavel (ODS) no PEDN”. Gil Gusmão fundamenta
Planu Estratejiku Dezenvolvimentu Nasional (PEDN) fo biban ba governu liu hosi Instituto Nacional de Segurança Social Intituto Público (INSS.IP) ho baze Dekretu-Lei Nº 47/2016 de 14 de Desembro fo mandatu INSS nu’udar instituisaun estadu ho autonomia administrativu no finanseiru.
INSS organiza prosesu administrativmente ba asuntu seguransa sosial iha Timor-leste hodi próteze direitu sidadaun sira nian liu hosi sistema seguransa sosial. Nune’e INSS atu hakbesik servisu ne’e ba povu, expansa servisu refere liu hosi nia reprezentante ka deskonsentrasaun INSS iha Munisípiu Baucau.
Tabela : Tabela 1. Dadus pensaun sosial (Vellise no Invalides) III faze iha Munisípiu Baucau, ne’ebé sei simu nia direitu iha trimestre datoluk tinan 2024.
Figura I. Grafiku distribuisaun dadus benefisiariu tuir postu administrativu iha Munisípiu Baucau. Hosi grafiku ne’e hatudu númeru benfisiariu iha Postu Adminisrativu Baucau-vila bo’ot liu kompara ho postu seluk.
Enkuantu, Total benefisiariu iha Munisipiu Baucau 15.063 no hosi benefisiariu ne’e estadu preve osan hamutuk $ 3,000,070.00 USD.
Jornalista : Dircia Baptista Belo