Túmulo Papa Hakerek Ho Letra “FRANCISCUS” ! “Requiescat In Pace”

Imajem : Túmulo de Papa Francisco Santa Maria Maggiore, Roma. 

SAPNewsTL : Imajem dahuluk rate/túmulo Santu Padre Papa Francisco iha Santa Maria Maggiore, Roma ne’ebe hasai hosi média Vatican News.

Iha imajem dahuluk ne’e hatudu katak túmulo Pontífice Romano hakerek ho Letra “FRANCISCUS”.

Buat ne’ebe nia uluk, ita agora, buat ne’ebe nia agora, ita seidauk, “Requiescat in pace”/deskansa ho damen”.

Lembra fali katak, wainhira Papa Francisco sei moris vizita Timor-Leste, Santu Padre dehan “Ha’u reza ba imi, imi mós reza ba ha’u “, liafuan ne’e nia ko’alia mós iha fatin barak iha mundu atu reza ba nia.

Papa nia liafuan sira :
“Ha’u nia laran monu ba Timor-Leste, buat ne’ebe furak liu iha Timor mak ninia povu sira”.

“Cuidem biem este pueblo maravilhoso katak tau matan didiak ba povu diak ida ne’e”.

“Jovens tenki halo barulhu, kuidadu ferik katuas sira tanba sira mak memória rai ne’e nian, tau matan ba foinsa’e sira tanba sira mak futuru rai ne’e nian”.

“Perfume evangelhu bele transforma realidade nakukun, halakon injustiça sosial, korupsaun no violência sira iha mundu”.

“Kuidadu ho lafaek sira tanba bele estraga imi kultura, mantein imi nia fiar no kultura”.

“Timor-Leste povu ne’ebe simples, ksolok, hamanasa, iha labarik barak no ha’u dezeja atu iha labarik barak liutan”.

Liafuan save no segredu sira seluk bele lee iha revista vizita Papa Francisco iha Timor-Leste, Indonésia, Singapura no Papua Nova Guiné (PNG) ne’ebe hakerek hosi Mídia Sapnews

Jornalista : Marciana Da Conceição