Valentine’s Day : Sentidu Amor & Amizade Ba Estudante Sira

Imajem : Fidelio

Introdução

Valentine’s day mak loron ida nebé ema barak celebra hodi demonstra amor no afeição. Ba estudante sira, loron ne’e la’os de’it konabá relação romântica, maibé mos konabá amizade, respeito no solidariedade iha comunidade escolar. Valentine’s day ne’e la’os universal, tan la’os ema hotu ka mundo tomak celebra loron ne’e, maibé quase mundo tomak tan país barak mak celebra loron ne’e, hanesan: Estados Unidos, País Europa barak (Inglaterra, França, Itália, Espanha, etc.)

Japão, Coreia do Sul, Filipina, Indonésia (parte balu). Inclui ita nia país Timor-Leste nebé celebra loron ne’e hanesan ona norma ida. Tanba tinan tinan ita sempre celebra loron ida ne’e ho responsabilidade no ho respeito. Katak ho fuan tomak ita celebra Valentine’s day, atu hatudu domin ba malun, ba sira nebé iha ona parceiro no expressa ita nia domin ba ema ruma nebé ita gosta; ne’e ba sira nebé iha hela rasa ingin memiliki, maibé bingung atu expressa. Hirak ne’e hotu, iha zona ida ema hanaran domin na relação romântica. Ita bele husu, Tanbasá la mundo tomak celebra Valentine day?

Tanba: diferensa cultura, diferença religião, diferença valor sosial no Influência globalização nebé la hanesan iha fatin hotu. Ho conceito sira iha leten, dirige ha’u ba hatur pergunta essencial sira nebé lori ita ba compreende domin iha vida estudante.

1. Saida mak domin?

2. Origem no significado husi Valentine day.

3. Valentine day iha vida escola.

4. Valor educativo.

1. Domin

Domin mak sentimento complexo nebé envolve atração, kasih sayang, care no comitmento entre ema ida ho ida seluk (ema sira). Antigo grego sira define, “domin ne’e hanesan simpatia ida husi ema ida ba ema seluk”. Katak domin ne’e iha de’it maneira positivo, tanba halo ema sente conforto, alegria no sente respeito.

Wainhira ita ko’alia konabá domin ita la ses husi liafua importante ida mak “fuan” tan fuan mak fatin ba hanoin, sentimento, empatia no simpatia no fuan ida ne’e nunca atu bosok. Iha livro Dilexit Nós Papa Francisco haktuir, “fuan nudar fatin ba sinceridade, iha nebé ita labele bosok no subar. Ida nebé iha mak intenção loos sira”.  Tanbasá labele bosok? Tanba fuan ne’e la’os tu, la’os mos objeto, maibé fuan ne’e mak o nia-an rasik.

Papa Francisco hateten, “Fuan ne’e nudar parte ida husi ita nebé la ho aparência ou ilusão, maibé autêntica, lolos no ita nia-an lolos”.

Iha sorin seluk domin halo ema lakon total nia-an; no sentido domin sai ópium nebé halo ema lanu, ikus mai insulta nia-an, liu tan ida ne’e mak ema estraga nia vida rasik tanba hadomi demais. Maibé ida ne’e de’it la naton atu dehan domin, hodi hamosu pergunta seluk ida: oinsá ha’u bele hatene katak o hadomi ha’u? Relaciona ho Valentine’s day, balun expressa (membuktikan) nia domin liu husi símbolo sira hanesan ai-funan, chocolate nst.

Loos duni katak ho de’it simbolo sira ne’e representa ona domin lolos? No entanto, símbolo sira ne’e la sufuciente atu representa domin lolos.Tanba ema nebé la fo sai nia segredo ba nia parceiro, nia relação domin sei la dura ou sei la hetan confiança husi nia parceiro iha relação domin. Iha carta encíclica DILEXIT NÓS, Papa Francisco nian, wainhira Dalila husu ba Sansão ho pergunta nebé hanesan iha leten, Sansão hatan ho segredo nebé nia subar no ida ne’e halo Dalila consciente katak “nia hatete sai hotu ona saida mak iha nia fuan”. (Jz16,18). Katak se hakarak hadomi, hadomi ho fuan; hadomi ho fuan katak hadomi ho isin no klamar tomak (totalidade). Tanba domin lolos ne’e hadomi la haré ba condição. St. Agostinho mos dehan, “a medida do amor é amar sem medida”.

2. Origem No Significado Husi Valentine’s Day

Valentine’s Day, nebé monu iha loron 14 fulan Fevreiro, mak loron ida nebé fo homenagem ba amor no afeto entre ema. Dia ida ne’e nia original mai husi São Valentino, padre católico husi Roma iha século lll. Nia ajuda ema muda husi Roma nebé fila fali ba di’ak no halo casamento segredo, mas que imperador Claúdio II hadia casamento ba soldado sira. Tanba nia atos ne’e, Valentino mos moris iha prisão no sira halo nia memória iha prisão laran. História haktuir, Imperador Cláudio ll lakohi atu soldado sira hetan casamento; tanba ba nia, se sira hetan casamento, sira sei la foco ba guerra, halo sira fraco iha psicologia no hamenus membro soldado.

Tuir tempo, Valentine’s Day halo símbolo husi amor romântico, hanesan carta, flor no chocolate. Iha século 14, dia ida ne’e popular iha Europa, nebé ema fo “valentine” ba ema nebé sira hakarak fo sentido amor. Tradição ne’e consolidado  iha Inglaterra no Europa nebé sira fo presente ho carta romântico.

Agora, Valentine’s Day iha nível global, la’os iha Europa deit, maibé iha América, Ásia no fatin seluk. Ema fo ai-funan, chocolate, carta ka presente sira seluk ba ema nebé sira hakarak fo sentido amor, amizade ka gratidão. Dia ida ne’e transforma liu ba tempo nebé fo oportunidade ba exspressa sentimento nebé profundo no ho carinho ba ema seluk.

3. Valentine’s Day Iha Vida Estudante.

Hafoin ita lê liafuan domin na relação romântica iha leten, mai ita ba haré hamutuk saida mak loron domin iha vida estudante ho pergunta principal sira: apakah estudante labele hadomi ema ida? Apakah ser estudante labele hetan domin husi ema ida? É certeza que não. Loos duni katak estudantes bele hadomi no bele hetan domin husi ema ida. Maibé ha’u hakarak lori ita semo sai husi ita nia-an nudar ema, hodi haré liu ba ita nia-an ida seluk mak ser estudante; katak la haré ona ba parte espiritualidade iha interioridade ema nian, maibé psicologicamente na exterioridade do homem. Nune’e mai ita hahu ho pergunta filosófica ida: saida mak ha’u precisa halo ba ha’u nia-an iha vida estudante? no oinsá ha’u bele sai estudante di’ak ida nebé influência colega seluk?

Estudante ida nebé di’ak mak conhece uluk o nia-an no aprende husi ema seluk. Katak conhece uluk ita nia fraquesas/kuran sira no aprende husi ema seluk. Katak keta karak atu fahe no keta moe atu husu. Maibé ho raciocínio racional, se la racional é o homem fingindo ignorante. Aristóteles hateten, “husu bu’at nebé ha’u la hatene ne’e racional; maibé husu bu’at nebé ha’u finge la hatene ne’e ignorância”.

Estudante nebé di’ak mak ida nebé hatene valoriza amizade, ida nebé hatene considera no ida nebé hatene respeito. Estudante nebé di’ak no Influência ema seluk, mak ida nebé hatur/prática domin iha caridade ho fuan. Katak tulun nia belun sira ho matenek, ho fuan tomak; katak ho isin no klamar (totalidade) atu ba to’o finalidade verdadeira ida; no sentido lori malun ba naroman domin nian. Portanto ba estudante sira, Valentine’s day la’os de’it konabá domin iha relação romântica; maibé mos domin amizade, respeito no solidariedade.

4. Valor Educativo Valentine’s Day Na Vida Estudante

Saida mak valor educativo iha Valentine’s day ba ita nudar estudante? Iha ambiente escola no universidade, loron ne’e la’os de’it celebra amor romântica, maibé mos haforsa amizade, solidariedade no consideração entre estudante sira. Ho maneira ne’e, estudante sira aprende atu respeita sentimento ema seluk nian no desenvolve relação social nebé saudável. Ho domin amizade, respeito no solidariedade.

Valentine’s Day bele sai mos momento educativo ida nebé ensina estudante sira konabá empatia, respeito malu no responsabilidade iha relação social. Ne’e importante atu estudante sira la haré loron ne’e hanesan de’it celebração superficial.

Conclusão

Valentine’s Day la’os de’it loron ida, atu celebra domin iha relação romântica, maibé mos loron ida atu reflete no reforça valor sira nebé importante iha vida estudante, hanesan amizade, respeito no solidariedade. Ba estudante sira, domin la precisa sempre expressa ho símbolo superficial de’it, maibé liu-liu ho atitude loos: tulun malun, respeita diferensa no fo apoio iha momento difícil. Domin ho fuan, hanesan ida nebé haktuir iha tradição filosófica no religioso, mak domin ida nebé lori ema ba maturidade no responsabilidade.

Iha ambiente escola no universidade, Valentine’s Day bele sai oportunidade educativa ida atu forma estudante sira sai ema nebé di’ak liu, la’os de’it iha nível académico, maibé mos iha nivel moral no social.

Wainhira estudante sira aprende hadomi ho fuan, ho razão no responsabilidade, sira la’os de’it prepara-an ba relação pessoal, maibé mos ba contribuição positivo iha sociedade. Tanba ne’e, ita precisa haré Valentine’s Day la’os hanesan celebração superficial, maibé hanesan momento ida atu aprende no prática domin lolos nebé humaniza, educa no habelar ita nia-an nudar estudante no nudar ema.

Referências

PAPA Francisco, Dilexit Nós (Carta Encíclica), Vaticano

Bíblia Sagrada, Juízes

Santo AGOSTINHO, Confissões, Frase tradicional, domin no totalidade.

ARISTÓTELES, Érica a Nicómaco, Lisboa: Fundação Calouste Gulbenkia