𝗣𝗡 𝗔𝗽𝗿𝗼𝘃𝗮 𝗢𝗝𝗘 𝟮𝟬𝟮𝟲 𝗛𝗼 𝗩𝗼𝘁𝘂 𝗔𝗳𝗮𝘃𝗼𝗿 𝟰𝟮 𝗜𝗵𝗮 𝗙𝗮𝘇𝗲 𝗝𝗲𝗻𝗲𝗿𝗮𝗹𝗶𝗱𝗮𝗱𝗲
Imagen: Primeiru-Ministru Kay Rala Xanana Gusmão iha uma fukun Parlamentu Nasionál, 07/11/2025. Foto: Média PM
SAP News, Dili : Parlamentu Nasional halo ona aprovasaun ba Projetu Proposta Lei Orsamentu Jerál Estadu (OJE) ba tinan 2026 iha jeneralidade ho votu afavór 42, kontra zero no abstensaun 23.
Marciana da Conceição – Mídia Sapnews
Dokumentu ne’e reflete estratéjia orsamentál hosi Governu Konstitusionál IX hodi hametin kapitál sosiál, investe iha infraestrutura esensiál sira, diversifika ekonomia no hametin governasaun di’ak, tuir Planu Estratéjiku Dezenvolvimentu 2011–2030 no Programa Governu nian.
Projetu Proposta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 iha faze jeneralidade ne’e defende hosi Primeiru-Ministru (PM), Kay Rala Xanana Gusmão hamutuk ho membru governu sira.
Proposta Lei OJE 2026 Billiaun $2.214.689,195 ho kategoria saláriu no vensimentu $476.870.249, bens no servisu korrente $447.904.446, transferénsia públika $820.710.160, kapitál menór $32.556.96 no kapitál dezenvolvimentu $436.647.379.
OJE 2026 2026 hamutuk dolar amerikanu biliaun 2.291 ne’e ho lema “Investe iha Transformasaun Nasionál, Integrasaun Rejionál no Dezenvolvimentu Inkluzivu”.
Proposta orsamentu ne’e aloka biliaun USD2,215 ba Administrasaun Sentrál, millaun USD170,4 ba Seguransa Sosiál no millaun USD60 ba Rejiaun Administrativa Espesiál Oe-Kusi Ambenu (RAEOA).