48⁰ Anos Proklamasaun ! Lobato : Lider Balun Hetan Konvite Maibé La Mai Ne’e Problema
SAPNewsTL, Dili : Hafoin partisipa komemorasaun independensia ba dala 48⁰, Rogeiro Tiago Lobato hateten sente kontente tanba liu ona terus barak mesmu ema barak mak mate iha tinan 1975 maibe apresia tanba bele ukun rasik an.
“Uluk ita hamutuk kontra Indonesia tanba mai ho viola ita nia feto maluk sira, no mos relijiaun la hanesan maibe sira sai tiha em ves de ita hamutuk kria estabilidade no paz maibe ita nafatin oho malu”. Dehan Lider historiku Rogerio Lobato ba jornalista sira hafoin remata isar Bandeira Nasional iha Palasiu Predidenste Aitarak laran,Tersa(28/11/2023)
Rogerio Tiago Lobato hatutan, nia parte partisipa iha komemorasaun ne’e tanba hetan konvite maibe nia preokupa tanba lider balun hetan konvite maibe la partisipa iha serimonia komemorasaun ne’e.
“Kona-ba partisipa iha komemorasaun ne’e tanba hetan mos konvite maibe lider balun hetan tiha konvite maibe la partisipa ne’e mak sai problema”. Hateten Rogerio Lobato.
Entretantu, Tuir Observasaun Jornalista SAPNewsTL nota katak Partisipasaun populasaun iha serimonia komemorasaun ne’e maka Primeriu Ministru Kayrala Xanana Gusmão, Presidente Republika Guine-Bissau, Membru Guvernu balun, Deputadu sira, maibe partisipasaun komunidade mínimu inklui lider nasional balun mos la marka presenza iha serimonia ne’e.
Iha oportunidade ne’e, Presidente Republika Jose Ramos Horta mos kondekora Presidente Republika Guine-Bissau ho medalla ordem Timor Leste, kondekora mos Vise Primeiru Ministru Mariano Assanami Sabino, Presidensia Konsellu Ministru Agio Pereira, Deputadu David Dias Mandati, Deputadu Arão Noe no Deputadu Aniceto Guterres ho medalla ordem Timor Leste.
Jornalista : Ermelinda Soares & Benezia dos Reis