Retira Ona Artigu 38°B ! Expedito : “Proteje Jornalista Nu’udar Informador & Edukador”.

Imajem : Sekretáriu Estadu Komunikasaun Sosial Expedito Dias Ximenes iha Palasiu Governu, 14/08/2025. Foto : Média Konsellu Imprensa

SAP News TL, Díli : Sekretaria Estadu Komunikasaun Sosial (SEKOMS) no Konsellu Imprensa de Timor-Leste (KI) konkorda halakon Artigu 38B husi Lei Komunikasaun Sosial (Lei n.° 5/2014) no esklarese katak alterasaun ida ne’e la iha intensaun atu kriminaliza jornalista ka hamosu restrisaun ba liberdade imprensa.

Dircia Batista Belo — SAPNewsTL

Iha intervista, Sekretária Estadu Komunikasaun Sosiál, Expedito Loro Dias, deklara rezultadu diskusaun esbosu primeira alterasaun, Lei Komunikasaun Sosial, SECOMS ho KI konkorda exklui artigu 38B husi Lei Komunikasaun Sosial.

“Ami hanoin atu proteje jornalista sira hanesan informador, edukador iha ita-nia rai, governu ho konselhu imprensa konkorda atu iha artigu 38 hasai tiha husi Lei Komunikasaun Sosiál”. Dehan SEKOMS Expedito Loro Dias, hafoin remata diskusaun ho KI iha sala reuniaun DNDM Palasiu Governu, 14/08/2025.

Sekretáriu Estadu ne’e hatutan, objetivu revisaun ne’e atu proteje media hanesan pilar demokrasia no asegura jornalista sira hodi kontinua ho nia funsaun informador no edukador ba sosiedade.

“Iha espekulasaun barak ne’ebe mak la tuir ona kontestu ba lei ne’ebe mak sei la’o hela no lei ne’ebe mak sei vigora, ami hanoin atu proteje jornalista sira hanesan informador, edukador iha ita-nia rai”.

Imajem : Presidente Konsellu Imprensa César Moniz Mali

Iha fatin hanesan, Presidente KI, Cesar Moniz Mali konfirma desizaun eliminasaun Artigu 38 hanesan rejultadu diskusaun ne’ebé hahu tanba reasaun públiku no polémika husi sosiedade sivil no komunidade media.

“Tuir explikasaun husi SEKOMS ho nia ekipa, laiha intensaun atu kriminaliza media, maibé razaun retira tanba lei ezisténsia mós ko’alia buat ne’ebe hanesan ke laiha intensaun atu kriminaliza jornalista sira, maibé lei artigu 38 halo detallu liutan, entaun hamosu tiha interpretasaun oi-oin ne’ebe maka dehan atu kriminaliza jornalista, maibé importante maka ne’e, ami hotu intensaun no konsiensa diak atu retira tiha artigu ida ne’e” Tenik nia.

Cesar Mali sublinha esplikasaun husi SEKOMS la hatudu intensaun kriminaliza media, maibé atu evita konfuzaun no polémika. Revisaun ne’e mós aumenta kompeténsia KI hodi monitoriza produtu jornalistiku iha plataforma online, hanesan parte adaptasaun ba dezenvolvimentu digital.

Sekretáriu Estadu Komunikasaun Sosiál Espedito Loro Dias informa katak, rejultadu diskusaun dahuluk entre SECOMS ho KI sobre revisaun primeira alterasaun Lei Komunikasaun, SECOMS ho

KI sei aprezenta ba Konsellu Ministru (KM) molok KM remete ba Parlamentu Nasionál (PN).

“Ami sei konvida organizasaun Jornalista sira, media nain sira, sosiedade sivil no husi universidade sira ne’ebe mak iha departamentu komunikasaun social hodi rona tok, ohin ami konkorda malu ne-e entre SECOMS ho KI sei konvida mós parte sira seluk hodi kontinua analiza draft ne’e, molok enkamiña ba KM atu hetan apresiasaun no PN”.

Aleinde elimina Artigu 38B husi Revizaun Lei Komunikasaun Sosial, SEKOMS ho KI aumenta tan artigu ida ba Lei Komunikasaun Sosial hodi fó kompetensia ba Conselho Imprensa atu monitoriza produtu jornalistiku kada média nasionál ne’ebe rejistu iha KI.

“Iha revisaun ne’e, ami aumenta tan artigu ida atu bele fó kompeténsia tomak ba KI hodi monitoriza produtu jornalistiku plataforma online no digital tanba iha momentu lei ne’e produz iha 2014, ita-nia evolusaun dezenvolvimentu digitalizasaun ne’e seidauk dezenvolve hanesan oras ne’e, entaun ita presiza media digital sira barak durante ne’e, KI iha kompetensia atu bele halo monitorizasaun”.

Revizaun lei komunikasaun sosial iha artigu 38° B kona-ba Responsabilidade Penal ne’ebé retira ona husi konkordánsia entre SEKOMS & Konsellu Imprensa mak haktuir iha kraik ho versaun português :

Artigo 38.° B – Responsabilidade Penal

1. A publicação ou transmissão de textos ou images através de meta de comunicação social, que ofenda bens juridicos penalmente protegidos, é punida nos termos gerais, sem prejuizo do disposto na presente lei, sendo a sua apreciação da competência dos tribunas judicias.
2. A autoria dos crimes cometidos através de meios de comunicação social cabe a quem tiver criado o texto, imagem ou som cuja publicação ou transmissão conititua a ofensa dos bens juridicos protegidos pelas disposições penais.
3. Nos casos de publicação não consentida, é autor do crime quem a tiver promovido.
4. O diretor, o diretor-adjunto, o subdiretor ou quem concretamente os substitua, assim como o editor, no caso de publicações não periódicas, que não se oponha, atraves da ação adequada, à comissão de crime através da imprensa, podendo faze lo, é punido com as penas cominadas nos correspondentes tipos legais, reduzidas de um terço nos seus limites.
5. Tratando- se de declarações corretamente reproduzidas, prestadas por pessoas devidamente identificadas, só estas podem ser responsabilizadas, a menos que o seu teor constitua instigação à prática de um crime.
6. O regime previsto no número anterior aplica-se igualmente em relação aos artigos de opinião, desde que o seu autor esteja devidamente identificado.
7. São isentos de responsabilidade criminal todos aqueles que, no exercício da sua profissão, teveram intervenção meramente técnica, subordinada ou rotineira no processo de elaboração ou difusão da publicação contendo o escrito ou imagem controvertidos.

Diskusaun revisaun primeira alterasaun Lei Komunikasaun Sosial entre SEKOMS no KI, halo ho ambiente amigavel no báziku ba prinsípiu demokrátiku.