Garante Paz & Estabilidade Iha ElPar, CNE Husu Orasaun Ba Komunidade Musulmanu
Imajen: Prezidente CNE Jose A. Belo Hasoru Malu Komukidade Musulmanu iha Masjid An-Nur Kampu Alor, Dili kinta 9/03/2023
SAPNewsTL, Dili – Komisaun Nasional ba Eleisaun (CNE,sigla português) hala’o vizita ba komunidade musulmanu iha Timor-Leste hodi husu tulun sira nia orasaun para eleisaun parlamentar 2023 populasaun sira bele kria paz no estabilidade.
“Ohin ami mai vizita komunidade musulmanu, tanba antes atu tama ba eleisaun prosesu tomak la’o, liliu kona-ba paz estabilidade ne’ebé ita hakarak igreja no komunidade musulmanu sira hasa’e orasaun” dehan Prezidenti CNE Jose Agustinho Belo ba jornalista iha Masjid An-nur Kampo Alor, Dili kinta (09/03/2023).
Prezidente ne’e hatutan, “antes ne’e, CNE mos halo ona vizita ida ba Cardeal no reprezentante Santa sé iha Timor-Leste (TL) hodi husu mos sira nia orasaun atu nune’e antes tama eleisaun prosesu hotu la’o ho di’ak, ho paz no estabilidade tanba, uluk liu halo eleisaun ne’e sempre iha impaktu nasional no kultura, maibé ohin loron presiza modernu oituan tan reza ne’e mos importante, husi sira nia tulun, sira mos hakarak fó kontribuisaun, tan ita nia esperansa hakarak eleisaun ne’e la’o di’ak,”
Jose informa, iha visitasaun ne’e, sira husu ba fundador Musulmanu iha TL, atu fó hatene ba komunidade musulmanu iha teritoriu laran tomak atu partisipa iha eleisaun parlamentar tinan 2023, liliu ba sira ne’ebé atinji ona idade 17 ba leten.
Iha fatin hanesan, Prezidenti Konsellu Kurador Fundasaun Masjid An-Nur, haji Abbaullah Said Sagran hatete, komunidade islámika menoria maibé CNE konsidera entaun sira senti orgullu ho visitasaun CNE nian.
“Ami senti kontenti tanba foin dala uluk CNE bele visita, maske komunidade islámika menoria maibé CNE konsidera, no ami mos rona buat barak iha husi Presidenti CNE no ami mos bele partisipa ho ami nia kondisaun ne’ebé iha oinsa ita bele hamutuk iha prosesu demokrasia ida ne’e,” nia hato’o.
Nia haktuir, Presidenti CNE hato’o ona buat barak koserteza iha prosesu polítika iha fatin seluk mosu konflitu maibé iha TL la iha konflitu entre komunidade relijiozu. musulmanu hanesan komunidade menoria iha TL maibé senti kontenti tebes tanba prátika teleransia konfisaun relijiozu sira diak tebes.
enkuantu, rekorda fali katak daudaun ne’e partiu politiku sira hahu halo ona konsolidasaun iha baze hodi prepara ba kampanha sei hala’o iha loron 19 fulan Abril 2023, no eleisaun ne’ebe sei realiza iha loron 21 fulan Maiu 2023.
Jornalista : Antonio Tilman