MS & Embaixada Japaun  Inaugura Fasilidade USG Iha HNGV

SAPNewsTL, Dili: Ministériu Saúde hamutuk ho  Embaixada Japaun ba Timor-Leste halo inaugurasaun ba fasilidade Ultrasonografia (USG) iha Ospital  Nasional Guido Valadares (HNGV), fasilidade refere hetan apoiu fundus husi povu Japaun ba povu Tmor Leste.

“Ha’u Lori ministériu nia naran hakarak hato’o ami nia apresiasaun no agradese ba nasaun Japaun  tanba kontinua haforsa relasaun entre governu japaun ho governu Timor-Leste liu husi fortalesimentu sistema nasional ba saude ne’ebe ohin ita halo serimonia inaugurasaun fasilidade Ultrasonografia (USG), iha HNGV tanba ne’e  komprimisiu nasaun hodi hadia fasilidade ba nesesidade  populsaun Timor-Leste nian”, dehan MS  Odete Maria Freitas Viegas iha HNGV, Bidau, Dili  sesta (10/03/22).

Ministra ne’e hatutan, HNGV  asumi responsabilidade boot iha Timor-Leste tanba  fo asistensia  medika ba populasaun hotu, servisu diagnostiku saude hanesan USG  importante tebes lilliu ba inan isin rua sira, permite profisional  saude sira atu monotoriza kresimentu no dezenvolvimentu ba labarik nian, fo kapasideade atu fo informasaun detaila kona-ba  orgaun husi saude reprodutiva rins no orgaun sira seluk tanba ne’e  agradese wain ba lideransa HNGV  ne’ebe kopera  embaixada japaun atu hadia infraestrutura  fisiku no material iha departamentu radiolojia hodi bele responde diak liu tan ba nesesidade relasiona servisu USG.

Odete Informa,  apoiu ne’e laos foun husi governu  Japaun  maibe antes ne’e ajuda barak tebes ona Timor-Leste, sira nia apoiu halo extensaun ba fatin radiolojia nian  ne’ebe sira apoiu makina USG, ohin mak oportunidade  ba sira atu inaugura fasilidade   ida ne’e, antes ne’e  ministru  mos halo sosa ba sala tolu ba HNGV no MS aloka osan  kompra ba ekipamentu, seidauk sufisiente presiza tan fatin hanesan ohin  inaugura ne’e.

Iha fatin hanesan embaixador Japaun ba Timor-Leste Kimura Tetsuya afirma, nia kontente tebes hodi partisipa iha serimónia entrega instalasaun departamentu radiolojia iha HNGV hamutuk ho MS Odete Maria Freitas Belo no ema hotu ne’ebe servisu ba setor saude iha nasaun ne’e importante ba governu Japaun katak ema hotu iha mundu tomak bele halao sira-nia moris ne’ebé seguru no protejidu.

“,Hau kontente tebes hodi partisipa iha serimónia entrega instalasaun departamentu radiolojia iha HNGV hamutuk ho MS Odete Maria Freitas Belo no ema hotu ne’ebe servisu ba setor saude iha nasaun ne’e importante ba ba ami mak ema hotu iha mundu tomak bele halao sira-nia moris ne’ebé seguru no protejidu”,tenik Embaixador

Embaixador ne’e akresenta,  asesu ba servisu saude nian nu’udar elementu ida-ne’ebe importante tebes hodi alkansa objetivu ida,  tan ne’e mak governu Japaun finansia ona projetu oioin atu promove servisu kuidadu saúde nian iha Timor-Leste, ho kontestu ida-nee, bele dehan katak HNGV  hala’o nia papél importante hodi garante atendimentu saúde ne’ebé di’ak ba ema hotu iha Timor-Leste, sira suporta halo espansaun sala ultrasonografia husi departamentu radiolojia, sira haksolok tebes tanba finaliza ona projetu ne’e ho susesu hodi kria ambiente médiku ne’ebé di’ak liu no konfortável liu ba pasiente no pesoál servisu sira, no móss ekipamentu balun hanesan ekipamentu diagnóstiku ultrasoniku ne’ebé fornese husi Japaun iha tinan 2018 mak utiliza iha fatin refere, sira  suporta HNGV  ba halo espansaun departamentu emerjénsia no renovasaun área hein fatin nian iha tinan 2017.

Tetsuya fundamenta,  saúde ne’ebé di’ak mak fundamentu ba moris nian, la ho saúde diak mak inan sira labele partu ka hahoris kosok oan ne’ ebe saudável, bainhira labarik sira sai boot, sira presiza nafatin saúde diak atu bele servisu no kontribui ba dezenvolvimentu nasaun ne’e, saude ne’e prioridade tabba ne’e mak sira koopera MS  atu proteje povu Timor-Leste liu husi kooperasaun iha setor saude ho saude jeral, iha pasadu sira  suporta ona  espasaun sala emergensia, no agora  inaugura projetu ba espasaun ba sala USG no  futuru suporta nafatin fasilidade HNGV.

Reportajen: Esmeranda da Silva