IOB  Sensibiliza Programa Identidade Úniku Ba Estudante Foun 500

SAPNewsTL, DILI – Institute of Business (IOB) realiza sosializasaun ba programa Identidade Úniku (IDÚ) ba estudante foun iha tinan akademiku 2023, Objetivu husi programa ne’e hodi kompartilla no fasilita estudante foun sira bele hatene oinsa bele hetan kartaun identidade ukinu iha futuru

“Objetivu husi sosializasaun ne’e, ita atu partilla no informa lala’ok atividade no programa husi IDÚ ba estudante foun IOB no komisaun organizadora tinan akademiku atu bele hatene,  tanba estudnate foun IOB mós sai hanesan kamada importante ida iha komunidade hodi hatutan informasaun ba sosiedade, ekipa IDÚ agradese ba komisaun organizadór no estrutura iha IOB, tanba bele fasilita no kolabora hodi realiza atividade sosializasaun programa IDÚ ba estudante foun sira”. hatete Koordenadór Komunikasaun Interinu, Diogo de Jesus Carvalho ba jornalista , Salaun IBO, Fomentu, tersa (07/03/2023)

Koordedor hatutan, iha aprezentasaun kona ba inisíativa implemetasaun programa IDÚ hetan reasaun no apresiasaun husi, estudante sira mós sente kontente no antusiazmu hodi rona no akompaña hodi bele hetan informasaun sira kona-ba IDÚ no mos atu hatutan ba família ho ema ne’ebé besik hodi hatene antes ba implementasaun prograna refere iha futuru

Nia esplika,  IDU ne’e Identidade dijitál ida ne’ebé atu verifika no autentika identidade husi sidadaun ida-idak, nune’e IDÚ mosu atu fasilita servisu administrasaun públika no servisu atendimentu públiku sira.

Entretantu, iha atividade sosializasaun ne’ebé hala’o hetan partisipasaun husi estudante foun husi fakuldade ICT ho departamentu 4, fakuldade ekonomia no negósiu iha departamentu 4, no fakuldade turizmu iha departamentu 2, nune’e totál estudante ne’ebé partisipa iha sosializasaun ne’e hamutuk 500.

Jornalista Antonio Tilman .