AFDO Kestiona Francisco Sai Vise Prezidente AFF, FJ Partisipa Iha World Cup 2022
Imajen Vise Presidente AFF Francisco Jeronimo hamutuk Presidente FIFA Giovanni Vincenzo Infantino iha Qatar, 20/11/2022
(SAP News TL) DILI- Tuir Prezidente Assosisaun Futebol Dili Oeste (AFDO) Ipolito Soares hateten Francisco Jeronimo hetan nomeiasaun sai Vise Prezidente ASEAN Football Federation (AFF) periodu 2022-2026 laos eleitu tanba la liu husi eleisaun ruma no tuir meritu ruma, Enkuantu Presidente Federasaun Futebol Timor Leste, Atual Vise Presidente AFF Francisco Jeronimo domingu orseik hasoru malu ho Presidente FIFA Giovanni Vincenzo Infantino iha Qatar, antes partisipa iha abertura Kopa Mundial 2022
“Ita nia publiku tenki hatene Francisco Jeronimo asume kargo vise prezidente laos eleitu maibe nomeiasaun tanba la liu husi eleisaun ne’ebe nia kriteria mak ita tenki hetan asinatura husi nasaun rua ne’ebe kargu vise prezidente iha AFF hamutuk haat”, Dehan Prezidente Assosisaun Futebol Dili Oeste Ipolito Soares ba jornalista sira iha nia knaar fatin kampung Alor, Dili sesta (18/11).
Imajen Intervista Prezidente Assosisaun Futebol Dili Oeste Ipolito Soares
Nia hatutan, vise prezidente AFF dahuluk mak Pangeran Matusin husi Brunei Darussalam, vise prezidente daruak mak Ira Puspita husi Indonesia, vise prezidente datoluk mak Francisco Jeronimo nu’udar honorariu ka nomeasaun no vise prezidente dahaat to’o agora seidauk iha ema mak asume kargu refere.
Presidente Assosiasaun ne’e haktuir Presidente FFTL Francisco Jeronimo asume kargu refere laos tanba futebol dezenvolve makaas iha Timor-Leste
“Francisco Jeronimo asume kargu ne’e laos ho meritu ruma laos tanba futebol dezenvolve makaas iha Timor-Leste, se hakarak ba asume kargu tenki haree atividade futebol iha Timor-Leste lao diak ona para fo benefisiu ba nasaun seluk maibe agora liga futebol Timor-Leste deit la lao halo promesa deit dehan liga futebol divizaun datoluk no dahaat realiza iha munisipiu deit la halo tiha ona maibe hakarak nomeia an hodi ba simu kargu vise prezidente AFF, logika ne’e iha ne’ebe”, tenik Prezidente
Presidene FFTL hetan nomeiasaun sai Vise Presidente AFF ba periodu 2022-2026, hafoin partisipa iha kongresu ordinariu ne’ebe realiza iha Kambodia, iha nia nomeasaun ne’e hetan kritika husi nitizen balun tanba desenvolvimentu desportu iha Timor leste la’o ladun efetivu no la tuir kalendariu ne’ebe iha
Entretantu, Presidente FFTL Francisco Jeronimo no Sekretariu Jeral Gregorio Correia hasoru malu ho Presidente FIFA Giovanni Vincenzo Infantino iha Qatar, antes partisipa iha abertura Kopa Mundial 2022, Enkuantu, iha jou abertura refere Nasaun Equador manan Nasaun Qatar ho skore 2-0.
Reportajen : Augusto dos Santos
Editor : Ekipa Editorial