Ahi Han Uma 1 Iha Sub-Rejiaun Oesilo, La Salva Buat Ida

SAPNewsTL, RAEOA – Akontese insendiu rejulta ahi han uma ida  iha Aldeia Sifin Suku Usi-Tasae Sub Rejiaun  Oesilo, Rejiaun Administrativa Especial Oe-cusse  Ambeno (RAEOA)

Tuir Vitima insendiu Domingos Liub, via telefone ba  Média SAPNews Timor-Leste, hateten, akontesentu ne’e mais ou menus tuku 12 meudia oras Timor-Leste (OTL).

“Motivu husi akontesementu insendiu ne’e ha’u la hatene, maibe vijinho sira mak hakilar, Tanba ohin Ami sai hotu derepende deit maluk vizinho sira maka hakfodak ahi suar sa’e no lakan iha uma kakuluk no maluk vizinho dehan ahi han ha’u nia uma iha meiudia.” Tenik vítima Domingos Liub, (Segunda 29/05 /2024)

Nia haktuir, akontesementu ne’e rezulta ahi han hanesan batar, hare’e no sasan uma laran, maibé insidente ne’e la rezulta ema ruma kanek ka mate sasan uma laran mak la konsege salva.

“Ami lakon sasan uma laran nian hanesan ai han, sasan uma laran nian  ami la salva’ maibe ita agradese tamba ema ida la hetan kanek ka mate”. Domingos Liub informa

Autoridade lokal iha suku refere halo ona identifikasaun no levantamentu ba parte kompetente sira hodi tau atensaun iha tempu badak.

Entertantu, Vitima Domingos Liub husu ba Governu liuliu ba Autoridade Protesaun Civil (APC) Regioão  Administrativa Especial Oe-cusse  Ambeno (RAEOA) atu bele apoiu emerjensia  nesesidade basika ruma.

Jornalista : Ariqui Crisanto Colo