AROMD-TL Sertifika Formandu 30, Kuidadu Saude Importante Ba Ema Hotu
SAPNewsTL,Dili: Assosisaun Ramelau Oan Moris Domin iha Timor Leste (AROMD- TL ) halo seremonia distribuisaun sertifikadu ba estudante 30 husi formasaun vida saudavél ba etapa l, ll ho progarma imfarmagem tinan 2022, programa refere ho tema, aksaun domin no pratika mak dalan ba mudansa ho hatudu provas ba siensia no teoria ne’ebé ita aprende iha universidade.
Tuir Direktor Ezekutivu, Gaspar da Costa Pacheco katak objektivu husi aktividade ne’e atu distribui sertifikadu ba estudante sira aprende kona-ba moris saudavel
“Ohin loron importante tebes ba AROMD-TL, iha ne’ebe distribui sertifikadu ba estudante vida saudavél ne’ebé mak durante sira aprende ona iha sentru ne’e, husi formasaun ne’e, prodús ona estudante lubuk ida mai husi universidade ne’ebé mak la hanesan, espera katak ba oin sira sai ajente aksaun ida hodi halo aksaun saudavél iha sosiedade nia laran”. Dehan Direktor Ezekutivu, Gaspar da Costa Pacheco ba jornalista sira iha sentru formasaun AROMD-TL, Vila-Verde, Sábadu, 24/09/2022.
Direktor ne’e akresenta, asosiasaun ne’e hahú iha tina 2019, husi estudante ne’ebé remata ona eskola atu kontribui ba dezenvolvimentu liu husi aprende, nune’e sira hamutuk harii Asosiasaun Ramelau Oan Moris Domin iha Timor Leste (AROMD-TL)no estudante sira ne’ebé simu sertifikadu daudaun ne’e hamutuk tolu nulu (30) ne’ebé mai husi universidade la hanesan ne’ebé tuir formasaun durante fulan rua.
Iha fatin hanesan, III Vise Dekanu Fakuldade Saúde Públiku UNPAZ Satiago Jorge Pereira hateten, formasaun ida ne’e loke, oinsa atu motiva joven sira liu-liu ba área saúde nian atu bele hasa’e sira nia kuñesimentu kona-ba vida saudavél
“Estudante universidade sira ne’e mak eskola liu iha parte saúde nian, nune’e sira tuir formasaun ida ne’e hodi bele aumenta tan sira nia kapasidade iha área saúde nian, nune’e halo sira bele hatene saida mak vida saudavél iha ita rai ida ne’e”. Dekanu hatete
Dekanu ne’e mos apresia tebes ba AROMD-TL ne’ebé sira loke ona sentru formasaun oi-oin ba joven sira liu husi tema Moris Hanesan Prezente no Saudavél Hanesan Aksaun hodi fo formasaun ba estudante sira oinsa atu kuidadu vida saudavel.
Entretantu, estudante formandu vida saudavél Angelina Maria Freitas sente orgullu tanba bele aprende buat barak iha formasaun vida saudavél nian.
“Ha’u nu’udár formandu ida ne’ebé partisipa iha atividade formasaun vida saudavél ninian, ha’u orgullu no apresia teb-tebes ba formasaun ida ne’e, aprende buat oin-oin de’it hanesan komunikasaun vida saudavél, relasaun vida saudavél no mos materia sira seluk kona-ba área saúde nian”. Estudante ne’e informa
Jornalista: Antonio Tilman & Aquilina Taec
Editor: Luis Pailofo