Asidente Tráfigu Iha Ermera ! Rezulta Ema Na’in 4 Kanek
SAPNewsTL, Ermera : Realsiona Asidente Tráfigu ne’ebe mak akontese iha Ermera Gleno area Manute iha Sabadu foin lailais ne’e rejulta ema nain 4 kanek no na’in tolu seluk diak hela.
Tuir kronologia ne’ebe SAP News asesu iha fatin akontesimentu liu husi komunidade sira katak akontesimentu mosu tanba travaun karreta nian la diak, ikus mai rezulta truck ho sapa matrikula 52.980 ne’e baku fila.
Karreta truk refere tula pasajeiru nain hitu(7), fila husi Postu Administrativu Halulia B, maka sofre asidente iha area Manuten, Postu Administrativu Glen, Munisipiu Ermera, hafoin baku fila halo passajeiru nain haat(4) sofre kanek no nain tolu seluk la hetan kanek
“Kronologia katak nia mai iha kurva ne’e kondutor trava la hetan, entaun nia bakufila no ohin mak eskavator dada mai tau iha estrada ibun atu tula ba uma”, haktuir komunidade sira ne’ebe hela besik fatin akontesimentu ba jornalista SAPNewsTL iha Gleno, 21/10/2023
Enkuantu, tuir informasaun ne’ebe mak jornalista SAPNewsTL nota katak karreta refere agora iha ona estrada ibun maibe karreta refere nia vidru sira tarun hotu, makina karreta nian barak avaria no sai aat tanba monu ba rai naruk
Jornalista : Aquelina Mangalhaes