Assanami Husu Juventude Hamriik Halo Istória Rasik

Imajem : Presidente Partidu Demokrátiku (PD) Mariano Assanami Sabino Lopes, Iha Postu Administrativu Luro-Lautem, 10/04/2023

SAPNewsTL, Lautém : : Presidente Partidu Demokrátiku (PD) Mariano Assanami Sabino Lopes saran lia hirak ne’e, wainhira halo konsolidasaun ba estrutura baze iha nia rai moris fatin Postu Administrativu Luro, Munisipiu Lautém

“Ha’u husu ba Juventude sira, hamriik halo ita nia istória rasik, halo dékade foun ba Timor Leste, Timor tenki iha duni rikusoin ne’ebe bele hamriik rasik hodi kompete ho nasaun seluk, Joven sira ne’ebe iha arte marsial, arte marsial ne’e aset estadu, estadu tenki regula ne’ebe sai komponente ne’ebe desportu, ne’ebe sai potensia ba nasaun no labele halo fali polizitasaun”. Tenik Presidente PD Mariano Assanami Sabino ba Militante sira Iha Postu Administrativu Luro-Lautem, 10/04/2023

Lider PD ne’e mos afirma sei tau iha gabinete primeiru ministru joventude tranformador no inovador hodi halo transformasaun no inovasaun hodi lori rai ne’e kompete ho nasaun seluk iha mundu

“PD hakarak halo para nasaun ne’e sai nasaun juvenil, rai barak iha mundu joven mak halo mudansa, joven tenki hamriik lori rai ne’e ba oin, PD sei tau iha Gabinete Primeiru Ministru Juventude Inovador no Transformador to’o iha postu no suku hodi halo ransformasaun no inovasaun, fo kréditu ba estudante sira hodi eskola no sai matenek servi nia rain no joven sira ne’ebe hakarak sai emprezáriu”. Afirma Presidente PD

Entretantu, Mariano Assanami husu povu Timor Leste atu labele husik ema seluk mai soran, trai no fahe entre Timor oan sira, vota ne’ebe ho responsabilidade, hamutuk hadia estrada ne’ebe aat, edukasaun ne’ebe la kualidade, agrikultura ne’ebe seidauk moderniza, desenvolvimentu ne’ebe seidauk asleradu, hamutuk esforsu hadia rai Timor Leste

Jornalista : Luis Pailofo