Assanami Ko’alia, PR Horta: Assanami Ko’alia Perigu, Ha’u Gosta Rona

SAPNewstl, Dili- Prezidente da Repúblika (PR) José Ramos Horta saran lia hirak ne’e iha nia diskursu ohin iha Konferénsia Nasional PD ba dala IV, Ramos Horta hateten Mariano Assanami kuandu ko’alia, ko’alia hanesan Eis Prezidente Indonesia Bung Karno, Nia ko’alia perigu

Tuir Prezidente da Repúblika José Ramos Horta hateten nia prezensa atu fo korajem no mensajen ba PD ne’ebe kontribui makaas tinan rua-nulu(20) nia laran, iha debate tempu ne’eba dezde primeru governu no primeiru legislativa iha asembleia konstituente elementus hanesan matebian Fernando Lasama Araujo i seluk-seluk tan.

“Mariano Assanami Sabino ne’ebe sei iha ne’e mai dezde tempu luta ho RENETIL ou mobilizasaun juventude iha Santa Kruz, Juventude  ba Referendu. Papel Inportante  Mariano Sabino nia elementos  tanba uluk la iha (PD) maibe RENETIL sira mak uluk mobiliza ita nia povu ba referendu  i além disso desde independénsia mai kontribui makaas ba konsolidasaun ita nia demokrasia”. Dehan Prezidente da Repúblika José Ramos Horta iha Salaun Delta Nova, Domingu (10/07/2022).

Prezidente da Repúblika José Ramos Horta  hateten Esperansa bo’ot ba PD, halo esforsu hametin demokrasia no  hadia ekonomia.

“Ha’u apoiu makaas partidu ida ne’e, uniku partidu ne’ebe reprezenta duni jerasaun foun la signifika sira uniku  jerasaun foun. CNRT maioria mos jerasaun  foun iha elementus CNRT sira hotu-hotu jerasaun santa cruz, jerasaun 1991 mai ne’e,Maun Bo’ot Xanana mos uniku jerasaun 1975 i partidu seluk- seluk hanesan FRETILIN mos jerasaun 1975, Dr. Mari Alkatiri, portantu todan iha jerasaun foun nia kabaas”, Tenik Nia.

Entretantu, Prezidente da Repúblika José Ramos Horta  husu Partidu sira ne’ebe jerasaun foun mak kaer tenke hatama feto mak barak liu tan iha partidu nia laran, la’os deit feto iha kotuk maibe lideransa, diak liu ideal 50% mane no 50% feto.

“Muda kestaun ba justisa lealdade ba ema ne’ebe ho sakrifisiu apoia ita, ha’u kontenti koalia ho ministra negosiu estranjeiru, Australia, Penilon hala’o entrevista barak ona ho média Australianu ne’e sei hadia ka aumenta tan hodi reforsa  ba relasaun di’ak Australia ho Timor-Leste”. Nia Hakotu

Enkuantu iha diskursu Prezidenti da Repúblika José Ramos Horta  hateten Mariano Assanami Sabino hanesan Eis Prezidente Indonésia Bung Karno, gosta rona nia ko’alia, nia ko’alia perigu, lider sira ko’alia di’ak no makaas iha Timor ne’ebe ha’u gosta rona maka Maun Bo’ot Kayrala Xanana Gusmão, ida mak Mariano Assanami Sabino.

Jornalista: Marcela Mesquita de Jesus Lemos

Editor: Luis dos Santos Pailofo