Prezidénsia da Repúblika Sei Mobiliza Povu Halo Prezepiu Selebra Natál Tinan 2022
Dili, 10/07/2022 : Relasiona ho aktu komemorativu ne’ebé kristaun katóliku iha mundu tomak no Timor-Leste selebra tina-tinan iha fulan da-ikus tinan ida nian liuliu selebrasaun loron Jesus Kristu nia moris mai mundu, ne’ebé paradu durante tinan rua, Presidente Repúblika José Ramos Horta afirma sei mobiliza povu halo prezepiu hodi selebra natal tinan 2022 iha fulan dezembru mai.
“Ha’u rasik sei fadigadu mobiliza povu ba halo programa dinâmika,kreativu no atividade kultural oioin inkluindu halo fila-fali prezepiu iha territoriu Timor-Leste”. Dehan Prezidente da Repúblika Dr. José Ramos Horta iha ambitu Konferénsia Nasionál Partidu Demokrátiku Iha Salaun Delta Nova, 10/07/2022
Prezidente da Repúblika Dr. José Ramos Horta mós preokupa ho atividade prezepiu ne’ebe durante ne’e hetan proibisaun tanba kauza hosi violênsia ne’ebé akontese iha fatin prezepiu
“Tanbasá?Tanba ha’u hakfodak iha tinan rua liubá,lahatene sémak foti dezisaun dehan proíbidu fali bá prezepiu,depois ha’u rona dehan tanba iha violênsia. Kuandu iha jogu futebol iha violênsia ita proíbi fali futebol? Kuandu iha futu-manu maka iha karik violênsia ruma ne’ebé involve hosi individu balun, ó fó sala fali ba futu-manu ne’e? No Kuandu iha problema ruma iha arte-marsial,elementu arte-marsial sira maka involve no ó proíbi fali arte-marsial sira hotu?’’ dehan PR Jose Ramos Horta iha nia diskursu
Entretantu Prezidênte da Repúblika Dr. José Ramos Horta sei ko’alia ho Arse Bispo Metropolitanu de Dili tanba konsidera atividade refere hanesan atividade atrasaun ba turizmu relijiozu no turizmu kultural ba povu Timor-Leste
“Ha’u sei ko’alia ho Arsebispu para ita halo tanba atividade ida ne’e sai atrasaun ba turizmu relijiozu no turizmu kultural bo’ot ba povu ida ne’e’’.(Nia hakotu)
Jornalista :Geraldo da Gama
Editor :SAPNewsTL